उत्तर पंचायत समिती, शिक्षण विभाग उत्तर सोलापूर व जिल्हा परिषद प्राथमिक शाळा सोरेग़ाव यांच्या संयुक्त विद्यमाने जिल्हा परिषद प्राथमिक शाळा सोरेग़ाव येथे 49 वे उत्तर सोलापूर विज्ञान प्रदर्शनाचे आयोजन करण्यात आलेले होते.
प्रदर्शनाच्या उद्घाटन सोहळ्यासाठी सोलापूर जिल्हा परिषदेचे प्राथमिक शिक्षणाधिकारी किरण लोहार यांच्या हस्ते तालुक्याचे गटशिक्षणाधिकारी बापूराव जमादार यांच्या उपस्थितीत उद्घाटन करण्यात आले. या विज्ञान प्रदर्शनासाठी तंत्रज्ञान व खेळणी हा मुख्य विषय होता. प्रदर्शनासाठी उच्च प्राथमिक स्तर इयत्ता सहावी ते आठवी व माध्यमिक स्तर इयत्ता नववी ते बारावी स्तर असे दोन गटातून विद्यार्थी सहभागी झालेले होते.
शिक्षकांमध्ये संशोधक वृत्ती निर्माण व्हावी विज्ञानाबद्दल आवड निर्माण व्हावी या दृष्टिकोनातून प्राथमिक शिक्षक गट व माध्यमिक शिक्षक गट व प्रयोगशाळा सहाय्यक / परिचर गटातून शिक्षक विज्ञान प्रदर्शनात शिक्षक विज्ञान साहित्य व प्रतिकृती घेऊन सहभागी झालेले होते या प्रदर्शनासाठी उत्तर सोलापूर तालुक्यातील 240 वैज्ञानिक साहित्य व प्रतिकृती आलेले होते.
प्रदर्शनाच्या उद्घाटन सोहळ्याप्रसंगी सोलापूर जिल्हा परिषदेचे शिक्षणाधिकारी प्राथमिक किरण लोहार यांनी यांनी विज्ञान प्रदर्शनतील प्रत्येक विज्ञान साहित्य व प्रतिकृतीस भेट देऊन चिकित्सक पद्धतीने पाहणी करून सहभागी झालेल्या विद्यार्थ्यांचे त्यांनी कौतुक केले तसेच उत्तर सोलापूर तालुक्यातील जिल्हा परिषद प्राथमिक शाळा सोरेग़ाव ने उत्कृष्ट पद्धतीने विज्ञान प्रदर्शनाचे आयोजन व नियोजन केल्याबद्दल शाळेचे मुख्याध्यापक शरणप्पा जेऊरे व सर्व शिक्षकांचे अभिनंदन केले.
या विज्ञान प्रदर्शनातील सर्वोत्कृष्ट प्रथम क्रमांक व द्वितीय क्रमांक तृतीय निवडून उच्च प्राथमिक व माध्यमिक गटातील विद्यार्थी व शिक्षक गटातून उत्कृष्ट प्रतिकृती निवडून पारितोषिक वितरण उत्तर सोलापूर तालुक्याचे गटविकास अधिकारी डॉ जस्मिन शेख यांचे हस्ते करण्यात आले.
या विज्ञान प्रदर्शनाच्या उद्घाटनासाठी देगाव बीट विस्तार अधिकारी निम्बर्गी, कुमठे केंद्राचे केंद्रप्रमुख सिद्राम वाघमोडे, देगाव केंद्राचे केंद्रप्रमुख कटकधोंड, डोणगाव केंद्राचे केंद्रप्रमुख बाबुराव कोळी शेळगी केंद्राचे केंद्रप्रमुख बा म पाटील, बाळे केंद्राचे केंद्रप्रमुख विठ्ठलसिग रजपूत, नान्नज केंद्राचे केंद्रप्रमुख परमेश्वर जमादार, केंद्रप्रमुख निम्बर्गी, कळमन केंद्राचे केंद्रप्रमुख श्रीमती छा. पा पवार, शाळा व्यवस्थापन समितीचे अध्यक्ष विठ्ठल घोटाळे, चंद्रकांत खडाखडे, संदीप कोळी संदीप म्हेत्रे, काशिनाथ वाडे कल्लप्पा खडाखडे, मरगु कांबळे शाळा व्यवस्थापन समितीचे सदस्य गटसाधन केंद्रातील सर्व विषय तज्ञ व विशेष शिक्षक,पदाधिकारी ग्रामस्थ शिक्षक उत्तर सोलापूर तालुक्यातील विज्ञान शिक्षक व सहभागी विद्यार्थी उपस्थित होते.
