सोलापूर : भारतीय संविधानाबाबत जनजागृती व्हावी या उद्देशाने दिनांक 26 नोव्हेंबर हा दिवस संविधान दिन म्हणून साजरा येतो. 26 नोव्हेंबर हा संविधान दिन ते 06 डिसेंबर 2022 महापरिनिर्वाण दिन हा कालावधी “समता पर्व” म्हणून साजरा करण्यात येणार आहे. या अतंर्गत सोलापूरात शनिवारी प्रभात फेरीचे आयोजन करण्यात आले होते.
सामाजिक न्याय विभागाच्या वतीने आयोजित कार्यक्रमात जिल्हाधिकारी मिलिंद शंभरकर, मुख्य कार्यकारी अधिकारी दिलीप स्वामी, पोलीस आयुक्त राजेंद्र माने, पोलीस अधीक्षक शिरीष सरदेशपांडे, समाज कल्याण सहाय्यक आयुक्त कैलास आढे, विशेष अधिकारी सुलोचना सोनवणे, राहुल काटकर, रवींद्र कुमठेकर, राहुल तारळकर, प्रणिता सोनकांबळे, यशपाल चंदनशिवे, उमेश पुजारी, राजेश्री कांबळे, अश्विनी सुपाते सर्व अधिकारी कर्मचारी उपस्थित होते. शाहीर खाडे यांनी उपस्थित विद्यार्थ्यांसमोर बाबा तुम्ही देशाची घटना ही कोरली हा पोवाडा सादर करून विद्यार्थ्यांमध्ये स्पेलिंग चेतले..
प्रारंभी डॉक्टर बाबासाहेब आंबेडकर यांच्या पुतळ्यास पुष्पहार अर्पण करून अभिवादन करण्यात आले त्यानंतर मान्यवरांच्या उपस्थितीत संविधान प्रास्ताविकेचे सामूहिक वाचन झाले..
जिल्हाधिकारी मिलिंद शंभरकर यांच्या हस्ते हिरवा झेंडा दाखवून संविधान प्रभात फेरीला सुरुवात झाली ही प्रभात फेरी डॉ. बाबासाहेब आंबेडकर (पार्क) चौक येथून, डफरीन चौक, जुना इम्प्लोयमेंट चौक मार्गे सात रस्ता मार्गे डॉ. बाबासाहेब आंबेडकर सामाजिक न्याय भवन पर्यंत काढण्यात आली..
