सोलापूर : पुणे विभागातून दरवर्षी महाआवास अभियान ग्रामीण अंतर्गत विभागीय स्तरावरील पुरस्कार वितरण केले जाते विभागीय स्तरावरील सर्वाधिक १२ पुरस्कार सोलापूर जिल्ह्सास मिळाले आहेत. येत्या 6 डिसेंबर रोजी विभागीय आयुक्त सौरभ राव यांचे हस्ते या पुरस्काराचे वितरण केले जाणार आहे. सकाळी ११.३० वाजता झुंबर हाॅल मध्य पुरस्कार वितरण करण्यात येणार आहे.
जिल्ह्यामध्ये प्रधान मंत्री आवास योजना व राज्य पुरस्कृत आवास योजने मध्ये सोलापूर जिल्हा विभागात दुसरा आला आहे. या दोन प्रकारात दोन पुरस्कार जाहिर झाले आहेत. मुख्य कार्यकारी अधिकारी व प्रकल्प संचालक जिल्हा ग्रामीण विकास यंत्रणा यांना निमंत्रीत करणेत आले आहे.
सोलापूर जिल्हा परिषदेचे मुख्य कार्यकारी अधिकारी दिलीप स्वामी यांना तर यशाचे श्रेय निश्चित जाते मात्र या यशामध्ये जिल्हा परिषदेचे तत्कालीन अतिरिक्त मुख्य कार्यकारी अधिकारी संतोष धोत्रे यांना विसरता येणार नाही. धोत्रे यांच्याकडे जिल्हा ग्रामीण विकास यंत्रणेचा अतिरिक्त पदभार सुमारे 13 महिने होता. महाआवास अभियानामध्ये धोत्रे यांनी अतिशय झोकून देऊन काम केले आहे. लाभार्थ्यांना जागा मिळण्यासाठी जिल्हा प्रशासनाकडे वारंवार पाठपुरावा केला होता.
सर्वेोत्कृष्ठ तालुका- या प्रकारामध्ये राज्य पुरस्कृत आवास योजनेत अक्कलकोट, प्रथम , सांगोला (द्वितीय ) व माळशिरस ( तृतीय )या प्रकारातील तीनही पुरस्कार सोलापूर जिल्ह्याने पटकाविले आहेत.
पंचायत समितीचे गटविकास अधिकारी यांनी पुरस्कारासाठी निमंत्रीत करणेत आलो आहे. सर्वोत्कृष्ट ग्रामपंचायत- प्रकारामध्ये दक्षिण सोलापूर तालुक्यांतील निंबर्गी ग्रामपंचायतीने प्रथम क्रमांक पटकाविला तर मंद्रुप ग्रामपंचायतीचा तृतीय क्रमांक पटाकाविला आहे. सरपंच व ग्रामसेवक यांना निमंत्रीत करणेत आले आहे.
शासकीय जागा उपलब्ध करून देणेत सर्वेोत्कृष्ठ कामगिरी करणारे तालुके मध्ये माळशिरस तालुक्यांने प्रथम क्रमांक पटकाविला आहे. गटविकास अधिकारी यांना यासाठी निमंत्रीत करणेत आले आहे. घरकुल साठी वाळू उपलब्ध करून देणारे तालुके मध्ये अक्कलकोट प्रथम तर मोहोळ तालुका द्वितीय आला असून या तालुक्यांतील तहसीलदार यांना निमंत्रीत करणेत आले आहे. या दोन ही प्रकारामध्ये या दोन तालुक्यांनी चांगली कामगिरी केली आहे. प्रधान मंत्री आवास योजना व राज्य पुरस्कार योजनेतील प्रथम व द्वितीय पुरस्कार पटकाविले आहेत.
