प्रकाश आंबेडकरांची सोलापुरात शनिवारी तोफ धडाडणार
सोलापूर जिल्ह्यातील सर्व विधानसभा मतदारसंघातील वंचित बहुजन आघाडीचे उमेदवारांच्या प्रचारार्थ शनिवार ९ नोव्हेंबर रोजी दुपारी ०३.३० वाजता वंचित बहुजन आघाडीचे राष्ट्रीय अध्यक्ष बाळासाहेब आंबेडकर यांची जाहीर सभा मागास सेवा मंडळ चंद्राम गुरुजी शिक्षण संकुल डीएड कॉलेज नेहरूनगर, विजापूर रोड, सोलापूर या ठिकाणी होणार आहे.
याबाबत दक्षिण सोलापूर विधानसभा मतदारसंघाचे वंचित बहुजन आघाडीचे उमेदवार संतोष पवार जिल्हा अध्यक्ष अविनाश मडीखांबे यांनी ही माहिती दिली.
सोलापूर जिल्ह्यातील तमाम नागरिकांना जनतेला सुजाण बंधू आणि भगिनींना नागरिकांनी आपण या सभेला मोठ्या संख्येने उपस्थित राहून सभा मोठ्या प्रमाणात यशस्वी करावी असे आवाहन केले.
दक्षिण विधानसभा मतदारसंघातील उमेदवार संतोष पवार यांनी आपली ताकद पणाला लावली आहे. या ठिकाणी भाजप, शिवसेना, प्रहार यांच्यासमोर आपले आव्हान उभे केले आहे. ग्रामीण भागात त्यांना नागरिकांचा चांगला प्रतिसाद मिळताना दिसत आहे.
