सोलापुरात एमआयएम या चार विधानसभा लढवणार ; फारूक शाब्दी देणार टेन्शन
सोलापूर : एम आय एम पक्षाचे शहर व जिल्हाध्यक्ष फारुक शाब्दी यांनी बुधवारी पत्रकार परिषद घेत आपल्या पक्षाची भूमिका स्पष्ट केली. महाराष्ट्रामध्ये सर्वात प्रथम शाब्दी यांची सोलापूर शहर मध्य मधून उमेदवारी जाहीर करण्यात आली होती.
यंदाची विधानसभा निवडणूक संपूर्ण ताकदीने आपण लढवणार असून आणखी तीन विधानसभा मतदारसंघात उमेदवार उभे करणार असे सांगत अक्कलकोट, शहर उत्तर आणि दक्षिण सोलापूर हे तीन मतदारसंघ असतील मात्र त्यांनी उमेदवार जाहीर केले नाहीत तो बॉम्ब पक्ष लवकरच पडेल असेही ते म्हणाले.
फारूक शाब्दि यांनी 2019 ची विधानसभा निवडणूक लढवली होती त्यावेळेस सुमारे 39 हजार मते त्यांनी घेतली होती. लोकसभा निवडणुकीत मुस्लिम समाजाच्या भावनांचा विचार करत एमआयएम पक्षाने उमेदवार न दिल्याने शाब्दी यांच्या निर्णयाचे समाजातून स्वागत करण्यात आले होते.
