जाई जुई फॉर्म हाऊसवर दहा दिवस श्रीगणेश दर्शनासाठी मांदियाळी ; शिंदे कुटुंबीयांकडून आदरातिथ्य
सोलापूर : माजी केंद्रीय गृहमंत्री सुशीलकुमार शिंदे यांच्या लक्ष सोलापूर तालुक्यातील टाकळी येथील जाई जुई फार्म हाऊस यंदाचा गणेशोत्सव मोठ्या जल्लोषात साजरा करण्यात येत आहे. नुकत्याच झालेल्या लोकसभा निवडणुकीत आमदार प्रणिती शिंदे यांनी विजय मिळवत त्या खासदार झाल्याने यंदाच्या गणेशोत्सवाला ग्लॅमर प्राप्त झाल्याचे पाहायला मिळते.
सोलापूर शहर आणि जिल्ह्यातील राजकीय पक्षाचे पदाधिकारी, कार्यकर्ते, विविध क्षेत्रातील मान्यवर, उद्योजक, व्यावसायिक या सर्वांना फार्म हाऊस वर पूजेसाठी निमंत्रण देण्यात आले आहे. गणेशोत्सवाच्या दहा दिवसात जाई जुई फार्म हाऊसवर मान्यवरांची मांदियाळी पाहायला मिळत आहे.
जाई जुई फार्म हाऊसवर सकाळी दहा ते दुपारी एक आणि सायंकाळी चार ते रात्री सात या दरम्यान दर्शनाची वेळ आहे. ज्येष्ठ नेते सुशीलकुमार शिंदे, खासदार प्रणिती शिंदे, ज्येष्ठ नेते उज्वलाताई शिंदे यांच्या शहराध्यक्ष चेतन नरोटे, जिल्हा कार्याध्यक्ष सुरेश हसापुरे, मनोज यलगुलवार यांच्यासह सर्व स्वीय सहाय्यक, काँग्रेसचे काही कार्यकर्ते गणपती दर्शनासाठी आलेल्या मान्यवरांचे आदीरातिथ्य करत आहेत.
