सुरेश हसापुरे श्रावण सोमवारी सिद्धरामेश्वराच्या दर्शनाला ; ग्रामदैवताच्या चरणी घातले हे साकडे
सोलापूर : काँग्रेसचे जिल्हा कार्याध्यक्ष दक्षिण तालुक्याचे नेते सुरेश हसापुरे यांनी श्रावण सोमवार निमित्त सोलापूरचं ग्रामदैवत श्री सिद्धरामेश्वर यांचे दर्शन घेतलं.
चौथ्या श्रावण सोमवार निमित्त दर्शनासाठी सिद्धेश्वर मंदिरात भाविक भक्तांची मोठी वर्दळ पाहायला मिळाली. हसापुरे यांनी आपल्या कार्यकर्त्यांसह सुरुवातीला योग समाधीचे दर्शन घेऊन नंतर मंदिरात जाऊन श्री सिद्धेश्वरांचे दर्शन घेऊन पूजा केली.
सिध्देश्वर मंदिराचे पुजारी यांनी त्यांना हार घालून आशिर्वाद दिले. याप्रसंगी हब्बु, पद्मसिंह शिवशेटटी, अमोगसीधद मुंजे व इतर मान्यवर उपस्थित होते.
दरम्यान शेतकऱ्यांची सरसकट कर्ज माफी होऊ दे असे साकडे हसापूरे यांनी ग्रामदैवताच्या चरणी घातले असल्याचे त्यांनी सांगितले.
