मनसे अध्यक्ष राज ठाकरे यांचा 156 किलोचा हार घालून सत्कार ; सोलापूर कार्यकर्त्यांना म्हणाले, विधानसभेच्या तयारीला लागा
महाराष्ट्र नवनिर्माण सेनेचे अध्यक्ष राज ठाकरे यांच्या वाढदिवसाच्या निमित्त मनसे सोलापूर शहर जिल्ह्याच्या वतीने मुंबई येथे शिवतीर्थ निवासस्थानी तब्बल 156 किलोचा हार घालून लाडक्या साहेबांना शुभेच्छा देण्यात आल्या. यावेळी मनसे नेते दिलीप धोत्रे, सोलापूर जिल्हा अध्यक्ष विनायक महिंद्रकर, प्रशांत गिड्डे, लोकसभा अध्यक्ष प्रशांत इंगळे, सोलापूर शहर अध्यक्ष जैन्नूद्दीन शेख, महेंद्र पवार, संतोष कवडे, शशिकांत पाटील,अनिल बागल,गणेश पिंपळनेरकर,जितू टेंभुर्णीकर, गोविंद बंदपट्टे प्रसाद कुमठेकर अक्षय आडम, हक्के सर, घोडके सर मनोज बचाटे इत्यादी उपस्थित होते.
मुंबईमध्ये राज ठाकरे यांच्या वाढदिवसाचा उत्साह दिसून येत होता संपूर्ण राज्यातील पदाधिकारी कार्यकर्ते यांनी शिवतीर्थ निवासस्थानी त्यांना शुभेच्छा देण्यासाठी गर्दी केली होती.
यावेळी सोलापूर जिल्ह्याच्या राजकीय परिस्थितीची माहिती राज ठाकरे यांनी पदाधिकाऱ्यांकडून घेतली आगामी विधानसभा निवडणुकीसाठी तयारीला लागण्याच्या सूचना त्यांनी दिल्या आहेत.
