संभाजीनगरचे जिल्हाधिकारी दिलीप स्वामी यांनी बजावला मतदानाचा हक्क
छ.संभाजी नगर : महाराष्ट्रातील लोकसभा निवडणुकीच्या चौथ्या टप्प्यातील निवडणुकीसाठी सोमवार 13 मे रोजी मतदान होत आहे. औरंगाबाद लोकसभा मतदारसंघासाठी मोठ्या चुरशीने मतदानाला सुरुवात झाली आहे.
औरंगाबाद लोकसभा मतदारसंघाचे निवडणूक निर्णय अधिकारी तथा जिल्हाधिकारी दिलीप स्वामी यांनी सपत्नीक आपल्या मतदानाचा हक्क बजावला. सकाळी लवकरच छत्रपती संभाजी नगरातील शासकीय सायन्स कॉलेजच्या मतदान केंद्रावर आपले मतदान केले. या मतदान केंद्रावर सेल्फी काढून नागरिकांना मतदानासाठी त्यांनी प्रोत्साहित केले.
जिल्हाधिकारी स्वामी यांनी मतदान करत छत्रपती संभाजी नगरच्या नागरिकांना मतदान करून आपली लोकशाही बळकट करण्याचे आवाहन केले आहे.
