सोलापुरात वंचितचे राहुल गायकवाडचा राहुल गांधींच्या स्टेजवर काँग्रेस प्रवेश
सोलापूर : सोलापूर लोकसभा मतदार संघातील वंचित बहुजन आघाडीचे उमेदवार राहुल गायकवाड यांनी आपला उमेदवारी अर्ज मागे घेतला. हा वंचित बहुजन आघाडीसह भारतीय जनता पार्टीला सुद्धा मोठा धक्का होता.
या उमेदवारी माघार नंतर गायकवाड यांनी आपले स्पष्टीकरण देताना संविधान वाचविण्यासाठी ही माघार असल्याचे सांगत भारतीय जनता पार्टीला माझ्यामुळे फायदा होईल त्यामुळे आपण माघार घेतल्याचे ते म्हणाले.
त्यानंतर सोलापुरात वंचित बहुजन आघाडीच्या उमेदवाराने माघार का घेतली हीच चर्चा गल्लोगल्ली, कट्ट्या कट्ट्यावर ऐकण्यास मिळाली. दरम्यान बुधवारी काँग्रेस इंडिया आघाडीच्या उमेदवार प्रणिती शिंदे यांच्या प्रचारार्थ काँग्रेस नेते राहुल गांधी यांची मोठी सभा झाली या सभेला राहुल गायकवाड काँग्रेसच्या स्टेजवर पहिल्या रांगेत बसलेले दिसून आले राहुल गांधी यांच्या उपस्थितीत राहुल गायकवाड यांचा काँग्रेसमध्ये प्रवेश झाला.
