सोलापुरात रेड्यावर बसून आला यमराज उमेदवारी अर्ज भरायला ; माढयातून अर्ज दाखल
सोलापूर : सध्या लोकसभा निवडणुकीची रणधुमाळी सुरू आहे माध्यमांचे लक्ष वेधण्यासाठी कोण काहीही करताना दिसत आहे. सोलापुरातील गोल्डन वुमन समजल्या जाणाऱ्या माजी नगरसेविका श्रीदेवी फुलारे यांनी तर फाटकी साडी घालून आपला उमेदवारी अर्ज दाखल करत जनतेचे लक्ष वेधून घेतले.
त्याच पद्धतीने गुरुवारी एकाने तर यमराजाच्या रूपात रेड्यावर बसून उमेदवारी अर्ज दाखल केला.
हे महाशय होते मराठा समाजाच्या आरक्षणासाठी लढाई देणारे राम गायकवाड. त्यांनी माढा लोकसभा मतदारसंघासाठी आपला उमेदवारी अर्ज दाखल केला आहे.
रेड्यावर बसून यमराजाच्या रूपात ते जिल्हाधिकारी कार्यालय जवळ आले. त्यामुळे सर्वच माध्यमांनी त्यांची दखल घेतली. त्यांची प्रतिक्रिया घेतली असता देशातील भ्रष्टाचार संपला पाहिजे, मराठा समाजाला आरक्षण मिळायले पाहिजे. यासाठी आपला अर्ज असून या निवडणुकीत जनता आपल्याला विजयी करेल असा दावा माध्यमांशी बोलताना केला.
