राम सातपुतेंनी उमेदवारी अर्ज भरण्यापूर्वी सिद्धरामेश्वरांच्या दर्शनांनतर आईच्या प्रतिमेचे केले पूजन
सोलापूर लोकसभा मतदारसंघाचे भाजप उमेदवार राम सातपुते यांनी उमेदवारी अर्ज भरण्यापूर्वी आपल्या पत्नी संस्कृती व पिता यांच्या सोबत सोलापूरचे ग्रामदैवत श्री सिध्देश्वर मंदिरात जाऊन दर्शन घेतले. त्याठिकाणी पूजा करून यावेळी सोलापूरकरांच्या सेवेसाठी बळ देण्याची प्रार्थना श्री सिद्धरामेश्वर महाराजांच्या चरणी केली.
त्यानंतर आपल्या आईच्या प्रतिमेचे पूजन करून आशीर्वाद घेतले.
एका ऊसतोड कामगाराच्या घरात माझा जन्म झाला. घरची परिस्थिती बेताचीच होती, पण तरीही माझ्या आईने कायम प्रामाणिकपणा बाळगण्याचे संस्कार माझ्यावर केले. त्या संस्कारांच्याच जोरावर आज मी इथपर्यंत पोहचू शकलो.
आई, आज तू जगात नसलीस तरी, आजही तुझे आशीर्वाद माझ्या पाठीशी आहेत. मला खात्री आहे, तुझ्या आशीर्वादांचे हे भक्कम पाठबळ माझ्या या लोकसेवेच्या संकल्पात मला नक्कीच यश मिळवून देईल! अशी प्रार्थना सातपुते यांनी केली.
