सोलापुरात भाजप व काँग्रेसच्या गुढी ; काँग्रेस व भाजपचे केले असे ही संकल्प
सोलापूर : साडेतीन शुभ मुहूर्तांपैकी एक असलेल्या गुढीपाडवा सणा निमित्त सोलापुरात सर्वत्र उत्सवाचे वातावरण पाहायला मिळाले सध्या लोकसभा निवडणुकीचे रणांगण सुरू असल्याने एकमेकांच्या विरोधातील राजकीय पक्षांनी सुद्धा आपल्या निवासस्थानी आणि कार्यालयासमोर गुढी उभारून संकल्प केले.
भारतीय जनता पार्टी महायुतीचे उमेदवार आमदार राम सातपुते यांनी आपल्या गांधीनगर परिसरातील निवासस्थानी पत्नी संस्कृती सातपुते यांच्यासोबत जोडीने गुढी उभारून पूजा केली. यावेळी माध्यमांशी बोलताना सोलापूरच्या विकासाचा संकल्प केल्याचे सांगत त्यांनी आपले विरोधक ज्येष्ठ नेते सुशीलकुमार शिंदे आणि उमेदवार प्रणिती शिंदे यांच्यावर तिखट शब्दात टीका केली.
दुसरीकडे काँग्रेस भवनामध्ये ही गुढी उभारून ज्येष्ठ नेते सुशीलकुमार शिंदे यांच्या हस्ते पूजा करण्यात आली. यावेळी काँग्रेसचे शहर आणि जिल्ह्यातील पदाधिकारी आणि कार्यकर्ते मोठ्या संख्येने उपस्थित होते.
माध्यमांशी बोलताना सुशीलकुमार शिंदे म्हणाले, गुढीपाडवा हा सण नवसंकल्पाचा आनंदाचा दिवस असून आज या आनंदाच्या गोडी समोर राज्यातील इंडिया आघाडीच्या विजयाचा संकल्प आम्ही केला असल्याचे सांगितले. दरम्यान कोण काय म्हणाले पहा हा व्हिडिओ..
