पुणे येथील एमसीए इंटरनॅशनल क्रिकेट स्टेडियम वर होत असलेल्या BCCI च्या वतीने आयोजित महिलांच्या My 11 Circle प्रायोजित वूमन टी 20 चॅलेंज 2022 क्रिकेट स्पर्धेच्या सामन्यात सोलापूरचे मिलिंद गोरे यांना महाराष्ट्र क्रिकेट असोसिएशन कडून वेलोसिटी विरुद्ध ट्रेलब्लेझर्स या सामन्यात मीडिया स्कोरर म्हणून काम करायची संधी उपलब्ध झाली आणि त्यांनी ती कामगिरी यशस्वीरित्या पार पाडल्याचे सांगितले.
या स्पर्धेत भारतातील तसेच इतर देशांच्या महिला खेळाडूंचा सहभाग असून या स्पर्धेत महिला ह्या पंचाची भूमिका पार पाडत आहेत. मिलिंद गोरे हे सोलापूर जिल्हा क्रिकेट संघटनेचे तसेच महाराष्ट्र क्रिकेट असोसिएशनचे अधिकृत पंच आणि गुणलेखक असून संगणीकृत स्कोरिंग मध्ये त्यांचा हातखंडा असून डिजिटल स्कोरिंग मध्ये देखील ते निष्णात असून सोलापूर येथून २००७ सालापासून सुरू झालेल्या त्यांच्या गुणलेखनाची कामगिरी चा चढता आलेख व त्यामुळे सबंध राज्यात तसेच देशात वेगवेगळ्या ठिकाणी अनेक स्पर्धेत त्यांनी स्कोरिंग केले असून याच कामगिरीच्या आधारे महाराष्ट्र क्रिकेट संघटनेने त्यांना वूमन आयपीएल स्पर्धेत स्कोरिंग ची संधी दिली.
मीडिया स्कोरर म्हणून भूमिका पार पाडताना मीडिया बॉक्स मध्ये उपस्थित विविध क्रीडा चॅनल, क्रीडा पत्रकार यांच्यांसमक्ष त्यांच्या माहिती आणि मदतीसाठी स्कोरिंग असल्याचे सांगितले.
यापूर्वी देखील मिलिंद गोरे यांनी बीसीसीआय कडून आयोजित आंतरराज्य महिलांच्या क्रिकेट स्पर्धेत अधिकृत गुनलेखक म्हणून काम केले असून BCCI U16 तसेच एमसीए च्याच MPL स्पर्धेत सलग तीन वर्षे स्कोरिंग केले असून महाराष्ट्र क्रिकेट असोसिएशन तर्फे 2016 साली घेण्यात आलेल्या क्रिकेट पंच Umpire लेखी परीक्षेत उत्तीर्ण झाले असून 2007 पासून सोलापूरात एमसीएच्या जसदनवाला, तनपुरे चषक स्पर्धेत देखील स्कोरिंग केले आणि 2009 मध्येच सोलापुरात संगणकीय गुणलेखन करणारे आणि 2015 मध्ये मोबाईल ॲप वर स्कोरिंग करणारे पहिले गुणलेखक मिलिंद गोरे जे की उच्च विद्याविभूषित आहेत.
2010 मध्ये त्यांना बीसीसीआय तर्फे आयोजित U19 आणि U22 क्रिकेट स्पर्धेच्या सर्व सामन्यांचे statistical analysis करण्याची संधी त्यांचे स्कोरिंग गुरू सुधीर वैद्य यांच्या मार्गदर्शनाखाली मिळाली होती व त्यानंतर महाराष्ट्राच्या विविध संघांचे विविध स्पर्धेतील कामगिरीचे अंकीय विश्लेषण Statistics देखील मिलिंद गोरे यांनी केले असून सध्या सबंध देशात स्कोरिंग मध्ये लोकप्रिय ॲप Cricheroes च्या सुधारणे मध्ये महत्त्वाचा रोल मिलिंद गोरे यांचा असल्याचे त्यांनी सांगितले.
येणाऱ्या पुढील काळात आयपीएल तसेच रणजी आणि आंतरराष्ट्रीय सामन्यात देखील गुनलेखनाची संधी मिळण्याची अपेक्षा यावेळी त्यांनी व्यक्त केली.
