सोलापूर : जिल्हा परिषद समाज कल्याण मधील दलित वस्तीच्या कामांचा आणि आमदारांचा काय संबंध असा प्रश्न उपस्थित करत सांगोला तालुक्यातील शेतकरी कामगार पक्षाचे तब्बल 45 सरपंच सोमवारी जिल्हा परिषदेत आले त्यांनी अतिरिक्त मुख्य कार्यकारी अधिकारी संदीप कोहिनकर यांची भेट घेतली आमच्या अधिकारात आमदारांचा हस्तक्षेप का? असा प्रश्नही यावेळी उपस्थित करण्यात आला.
सांगोला तालुक्यातील शेतकरी कामगार पक्षाचे 45 सरपंच सोमवारी सकाळी बाराच्या सुमारास जिल्हा परिषदेमध्ये आले होते त्यांनी अतिरिक्त मुख्य कार्यकारी अधिकारी संदीप कोहीनकर यांची भेट घेत त्या ठिकाणी ठिय्या मांडला. दलित वस्ती ची कामे आणि आमदारांचा काय संबंध ग्रामपंचायत ने दलित वस्तीच्या कामासंदर्भात केलेला ठराव ग्राह्य का धरला जात नाही असा प्रश्न उपस्थित करत सरपंचांची यादी ग्राह्य धरावी अशी मागणी करण्यात आली. यावेळी कोहिनकर यांनी सर्वांची समजूत काढत समाज कल्याण अधिकारी सुनील खमीतकर यांच्याशी चर्चा करून निर्णय घेऊ असे सांगितले.
यावेळी चंद्रकांत देशमुख, डॉ बाबासाहेब देशमुख, बाबा कारंडे, दादासाहेब बाबर, संगम धांडोरे, संतोष पाटील, संतोष देवकते, बाळासाहेब काटकर, कल्याण लुबाळ, राजेंद्र देशमुख, संजीवनी लुबाळ, शाहजी गडहिरे, जयंत बाबर, ऋषिकेश शेटे, शरद हिप्परकर, गजेंद्र कोळेकर, दीपक गोडसे यांच्यासह सरपंच मोठ्या संख्येने उपस्थित होते.
दरम्यान बाबा कारंडे व डॉक्टर बाबासाहेब देशमुख यांनी याप्रकरणी अधिक माहिती देताना नकळत आमदार शहाजी बापू पाटील रणशिंग फुंकले. आजपर्यंत शेकापची लढाई सभागृहात पाहिली परंतु, सभागृहाच्या बाहेरही आम्ही लढाई करण्यास तयार आहोत असा इशाराही त्यांनी यावेळी दिला पहा ते काय म्हणाले….
