सोलापूर : परिस्थिती गरीब, लग्न जमत नाही यामुळे खाजगी चालकाने आपल्या मालक कार्यकारी अभियंत्याचे घर फोडून तब्बल 10 लाखाची रोकड लंपास केली होती. पोलिसांनी अखेर त्या वाहन चालकास बेड्या ठोकून चोरी उघडकीस आणली.
संतोष विजयकृष्ण कुलकर्णी यांचे जुळे सोलापूर येथे व्दारकादीश मंदिरा समोर सानवी अपार्टमेंन्ट येथे फ्लॅट आहे. तसेच सध्या ते इंद्रधनु येथील फ्लॅट मध्ये राहत आहेत. संतोष कुलकर्णी यांनी त्यांचे शेतीचे उत्त्पन्नातून मिळालेली १० लाख रूपये रोख रक्कम ही, त्यांचे सानवी अपार्टमेंन्ट येथील फ्लॅटचे बेडरूम मधील लाकडी कपाटात डिसेंबर २०२२ मध्ये विभागुन ठेवली होती. त्याठिकाणी त्यांचे तसेच त्यांचे ड्रायव्हरचे, मित्रांचे येणे जाणे होते. दिनांक ०५/०२/२०२३ रोजी संतोष कुलकर्णी यांनी, त्यांचे सानवी अपार्टमेंन्ट येथील बेडरूमचे कपाटात ठेवलेली रक्कम तपासली असता, ती त्याठिकाणी दिसून आली नाही. तसेच फ्लॅटचे कुलुप कडी कॉयडा देखील तुटल्याचे आढळून आले नाही. त्यामुळे, त्यांचे जवळच्या माहीतगार व्यक्तीने चोरी केल्याचा त्यांना संशय आला. तेव्हा संतोष कुलकर्णी यांनी जवळच्या व्यक्तींकडे विचारणा करून देखील चोरी केलेबाबत त्यांना कोणी माहीती दिली नाही. त्यामुळे त्यांनी दि. १७/०२/२०२३ रोजी विजापूर नाका पोलीस स्टेशन येथे गु.र.नं. ३८० प्रमाणे फिर्याद देऊन गुन्हा दाखल केला.
विजापूर नाका पोलीस ठाणे येथे गुन्हा दाखल झाल्यानंतर गुन्हे शाखेचे वपोनि दोरगे, सपोनि संजय क्षिरसागर व त्यांचे तपास पथक यांनी तात्काळ गुन्हयाचे घटनास्थळी भेट देऊन, सदर चोरी बाबत फिर्यादी यांचेकडुन, नमुद फ्लॅटवर येणारे फिर्यादी यांचे जवळचे इसमांची माहीती घेतली.
त्यानंतर, सपोनि संजय क्षिरसागर व त्यांचे तपास पथक यांनी या बाबत तपास सुरू केला. यातील फिर्यादी यांचे घराची माहीती असलेले, तसेच सध्या त्यांचेकडे चालक म्हणून कामास असलेल्या सर्वांकडे प्राथमीक तपास केला असता, त्यांचा खाजगी वाहन चालक नागेश ऊर्फ अमित सुर्यकांत भरडे वय ३४ वर्ष, व्यवसाय- ड्रायव्हर, राहणार घर नंबर – १३१३, उत्तर कसबा, टिळक चौक, सोलापूर याचा फोन गुन्हा दाखल झाले पासून बंद असलेला दिसून आला. त्यामुळे त्याचेवर संशय बळावला. तसेच त्याचा, त्याचे राहते घरी व आजुबाजुचे परीसरात शोध घेतला असता तो मिळून आला नाही.
त्यानंतर दि. १८/०२/२०२३ रोजी मिळालेल्या माहितीनुसार नागेश ऊर्फ अमित सुर्यकांत भरडे हा, संतोष कुलकर्णी यांचेकडे ड्रायव्हर म्हणून कामास असून, त्यानेच संतोष कुलकर्णी यांचे घरी चोरी केली असल्याचे समजले. तसेच नागेश भरडे हा सोलापूर सोडून जाण्याचे तयारीत आहे तो थोडया वेळात पोटफाडी चौक येथे येणार आहे अशी माहीती मिळाली होती.
त्यामुळे, प्राप्त बातमीचे अनुषंगाने पोटफाडी चौक येथे सपोनि संजय क्षिरसागर व त्यांचे पथकाने सापळा लावला असता, फिर्यादी यांचा खाजगी चालक नागेश ऊर्फ अमित सुर्यकांत भरडे हा सदर ठिकाणी आल्याने, त्यास शिताफिने ताब्यात घेतले, सदर ठिकाणी पंचा समक्ष त्याची अंगझडती घेतली असता, त्याचे ताब्यात नमुद गुन्हयात चोरीस गेलेले २ लाख रुपये मिळुन आले त्यानंतर त्यास आणखी विश्वासात घेऊन तपास करता त्याने सांगीतले की, त्याची परिस्थीती गरीब आहे, त्यास पगार कमी आहे, त्याचे लग्न जमत नाही म्हणुन लग्नासाठी त्याने सदर चोरी केल्याचे सांगीतले. तसेच चोरीतील ऊर्वरीत रक्कम रूपये ८ लाख हे सुध्दा त्याने काढुन दिले. अशा प्रकारे वरील प्रमाणे दाखल गुन्हयात चोरीस गेलेले १० लाख-रूपये आरोपीकडुन १२ तासात हस्तगत करून घरफोडीचा गुन्हा उघडकीस आणला आहे.
