सोलापूर : ज्येष्ठ नेते समीउल्लाह शेख यांनी एमआयएम ला धक्का देत ठाकरे गटाच्या शिवसेनेत प्रवेश केला. यावर एमआयएम पक्षाचे शहराध्यक्ष फारूक शाब्दी यांनी एका स्थानिक न्यूज चॅनलला यावर प्रतिक्रिया दिली आहे.
शाब्दी म्हणाले, जाणारे जात असतात त्यांना माझ्या शुभेच्छा आहेत त्यांच्या किंवा इतरांच्या कोणाच्या जाण्याने आमच्या पक्षाला कोणत्याच प्रकारचा फरक पडत नाही. आम्ही उत्साहाने काम करतच राहतो.
फारूक शाब्दी पुढे म्हणाले, समीउल्लाह शेख हे पक्ष सोडून जाताना आमच्याशी कोणत्याही प्रकारची चर्चा केली नाही. किंवा जाणार असल्याबाबतचे कोणासमोर सांगितले नव्हते. तसेच त्यांची पक्षाबद्दल कोणत्याही प्रकारची नाराजी नव्हती ते अचानकपणे एमआयएमला सोडून उद्धव ठाकरे गटाच्या शिवसेनेत प्रवेश केला त्यामुळे त्यांच्या पुढील राजकीय वाटचालीस माझ्या शुभेच्छा आहेत अशी प्रतिक्रिया त्यांनी दिली.
