सोलापूर : भारतीय जनता पार्टीचे जिल्हा उपाध्यक्ष प्राध्यापक सुभाष मस्के यांनी जिल्ह्यातील आमदार गोपीचंद पडळकर समर्थक कार्यकर्त्यांना घेऊन जिल्हा परिषदेच्या मुख्य कार्यकारी अधिकारी मनीषा आव्हाळे यांना निवेदन दिले. या निवेदनात जिल्हा परिषद सोलापूर येथील प्राथमिक शिक्षकांच्या शंभर बिंदू नामावली मधील अनियमिततेबाबत प्रश्न उपस्थित करण्यात आला आहे.
यावेळी माऊली हळनवर, बिरुदेव शिंगाडे, शरणू हांडे, बापूसाहेब मिटकरी, विलास ढेरे, श्रीराम तरंगे, प्रसाद कोळेकर, धनाजी गडदे, भीम बंडगर, शिवसेना महिला अध्यक्ष मुरबाना मुलानी यांच्यासह कार्यकर्ते मोठ्या संख्येने उपस्थित होते.
जिल्हा परिषद सोलापूर अंतर्गत प्राथमिक शिक्षकांच्या बिंदूंनामावलीचे काम झाले आहे. यात प्रामुख्याने खुल्या प्रवर्गातून निवड झालेल्या मागासवर्गीय शिक्षकांना आरक्षित बिंदूवर दर्शवणे, संबंधित भरती वर्षाचे जाहिरात व निवड यादी जिल्हा परिषदेकडे उपलब्ध नसल्याचे सांगून सर्व मागास उमेदवारांना आरक्षित बिंदूवर दर्शवणे व त्या आधारित बिंदू नामावली बनवणे अशा मागण्या असून प्राध्यापक मस्के यांनी अधिक माहिती दिली आहे.