सोलापूर : सोलापूर शहरासाठी एक हृदयद्रावक घटना घडली असून दोघा मित्रांचा अपघातात मृत्यू झाला आहे. टेंभुर्णी जवळ अज्ञात वाहनाच्या धडकेने दुचाकीवर येणाऱ्या दोघांचा अपघात झाला आणि अपघातात त्यांचा मृत्यू झाल्याचे समोर आले आहे. या अपघातात एक तिसरा युवक गंभीर जखमी असून त्याच्यावर सोलापूर शासकीय रुग्णालयात उपचार सुरू असल्याची माहिती टेंभुर्णी पोलिसांकडून मिळाली घटनेची माहिती मिळताच नातेवाईक सोलापुरातून टेंभुर्णीकडे रवाना झाल्याचे समजते.
तेजस सुरेश इंडी वय 20 राहणार मिलन अपार्टमेंट भवानी पेठ, लिंगराज शिवानंद हाळके वय 24 राहणार भवानी पेठ हे दोघे जागीच ठार झाले तर गंभीर जखमी झालेला गणेश शरणप्पा शेरी हा सुद्धा सिव्हील हॉस्पिटल मध्ये उपचार घेताना त्याचा मृत्यू झाला असे सांगण्यात येत आहे. या युवकांच्या मित्रांनी आपल्या फेसबुक वर पोस्ट टाकून त्यांना श्रद्धांजली वाहिल्याचे दिसत आहे.
मयत तिघे मित्र हे एम एच 13 डी झेड 9826 या एकाच दुचाकीवरून सोलापूरहुन पुण्याकडे निघाले होते. बुधवारी मध्यरात्री ते अरण जवळ आले असता एका अज्ञात वाहनाने त्यांना धडक दिली आणि त्या अपघातात त्यांचा मृत्यू झाल्याचे माहिती मिळत आहे. मध्यरात्री उशिरा जेव्हा पोलीस पथक गस्त घालण्यासाठी गेले असता त्यांना हा अपघात झाल्याचे दिसून आले, तोपर्यंत या दोघांचा मृत्यू झाला होता पोलिसांनी तातडीने टेंभुर्णी येथील प्राथमिक आरोग्य केंद्रात त्या दोन्ही मृतदेहांना ठेवण्यात आले आहे अशी माहिती मिळत आहे. तिसरा जखमी गणेश शेरी यास सिव्हील हॉस्पिटल कडे पाठवण्यात आले होते परंतु त्याचाही उपचारादरम्यान मृत्यू झाला असे सांगण्यात आले. या अपघात प्रकरणी किरण सुभाष इंडी यांनी टेंभुर्णी पोलिसात फिर्याद दिली असून अज्ञात वाहन चालकाविरुद्ध गुन्हा दाखल झाला आहे तपास साहेब पोलीस निरीक्षक जोग हे करीत आहेत.
