कामती झेडपी गटात विद्या कोळकुर प्रबळ दावेदार ; हाती तुतारी घेणार की घड्याळ बांधणार?
सोलापूर : सर्वोच्च न्यायालयाच्या निकालानंतर आता स्थानिक स्वराज्य संस्थेच्या निवडणुकांचा मार्ग मोकळा झाला आहे. कधीही जिल्हा परिषदेच्या निवडणुकीची आचारसंहिता जाहीर होईल.
दरम्यान मोहोळ तालुक्यातील नगरपालिकेची निवडणूक चांगलीच गाजत आहे. राष्ट्रवादीचे राजन पाटील हे भाजपमध्ये गेल्याने राजकीय समीकरणे बदलली आहेत. त्यामुळे जिल्हा परिषदेच्या निवडणुकीकडे सर्वांच्या नजरा लागल्या आहेत.
या सर्वात तालुक्यात एक चेहरा मात्र आपल्या सामाजिक कार्याने सर्वांचे लक्ष वेधून घेत आहे तो म्हणजे विद्या विजकुमार कोळकुर यांचा.
मोहोळ तालुक्यातील कामती जिल्हा परिषद गट हा यंदा सर्वसाधारण महिलेसाठी आरक्षित झाला आहे. विद्या कोळकुर या गटात प्रबळ दावेदार मानल्या जात आहेत. तालुक्यातील कोरवली येथून त्या राजकीय आणि सामाजिक कार्य करतात. त्या काँग्रेस पक्षात कार्यरत असून मोहोळ तालुका महिला अध्यक्षा आहेत.
कोळकुर यांनी आजपर्यंत सामाजिक क्षेत्रात असो अथवा राजकीय क्षेत्रात प्रामाणिकपणे अथक परिश्रम घेऊन निष्ठेने काम करताना त्यांना पक्षांनी दिलेली जबाबदारी पार पाडत राहील्या आहेत तसेच त्या ग्रामीण भागातल्या सर्वसामान्य महिलांना बचत गटांच्या माध्यमातून पाठबळ देण्याचा पुरेपूर प्रयत्न केले आहे. त्याचबरोबर महिलांना रोजगार देऊन त्यांना सक्षम करण्यासाठी प्रयत्नशील राहिल्या आहेत.
त्यांच्या राजकीय आणि सामाजिक कार्यावर नजर टाकली तर 2014 महिला काँग्रेस पक्षाचे तालुका अध्यक्ष या माध्यमातून ज्येष्ठ नेते सुशीलकुमार शिंदे यांच्या प्रचारर्थ हळदी कुंकू महिला मेळावा, 2024 ला खासदार प्रणिती शिंदे यांच्या नेतृत्वाखाली मोहोळ तालुक्यात विविध गावं भेट दोरे, महिला बचत गट मेळावे घेऊन ताईना निवडून आणण्यात वाटा उचलला. 2024 च्या विधानसभा निवडणुकीत आमदार राजू खरे यांच्या प्रचारार्थ विविध गावं भेट दौरे, महिला बचत गट मेळावे, खेळ पैठणीचा कार्यक्रम आयोजित केले त्यांच्या ही विजयात यशस्वी भूमिका बजावली आहे.
कामती गटाचा इतिहास पाहिल्यास या भागात काँग्रेस, राष्ट्रवादीचे वर्चस्व दिसून येते. उमेश पाटील, आमदार राजू खरे हे एकत्रित असणार आहेत. खासदार प्रणिती शिंदे या झेडपीच्या निवडणुकीत काय भूमिका घेतात याकडे सर्वांचे लक्ष असणार आहे. भाजपकडून दिवंगत नेते तानाजी खताळ यांच्या पत्नी निवडणूक लढविणार असल्याची चर्चा आहे. तालुक्यात काँग्रेस, शरद पवार राष्ट्रवादी तसेच अजित पवारांची राष्ट्रवादी, ठाकरे सेना असे एकत्र लढले तर चित्र निश्चितच वेगळे दिसेल.
उच्च शिक्षित असलेल्या विद्या कोळकुर या गटात प्रबळ दावेदार असून खासदार प्रणिती शिंदे तसेच आमदार राजू खरे यांच्या विजयात वाटा उचललेल्या, सर्वसमावेशक, घरोघरी ओळख असलेल्या, परिचित अशा कार्यकर्तीला तिचे काम पाहून संधी दिल्यास जिल्हा परिषदेच्या माध्यमातून या भागातील विकास व्हायला नक्कीच हातभार लागेल यात कोणतीही शंका नाही.
