जिल्हा परिषदेच्या कॅफो मीनाक्षी वाकडे यांचे का झाले कौतुक ; उपमहालेखाकार यांनी अर्थ विभागाला दिली शाबासकी
जिल्हा परिषद सोलापूर येथे मुख्य कार्यकारी अधिकारी आव्हाळे यांच्या मार्गदर्शनाखाली दिनांक 12.8.2024 ते दिनांक 14.8.2024 रोजी महालेखाकार मुंबई यांचेकडून महाशिबीर आयोजीत करण्यांत आले होते.
सदर शिबीरास उपमहालेखाकार जिष्णू जे राज, वरिष्ठ लेखापरिक्षा अधिकारी राघवेंन्द्र राऊत, मोहम्मद रजा, अनिल खरात उपस्थित राहून परिच्छेद निपटारा करणे कामी बहुमुल्य मार्गदर्शन केले.
जिल्हा परिषदेकडे सन 2005 06 पासून ते सन 2023 अखेर परिच्छेद प्रलंबित असल्याने विशेष महाशिबीर आयोजीत केले होते. या शिबीरात जिल्हा परिषद व ग्राम पंचायत विभाग यांनी 322 प्रलंबित परिच्छेदापैकी 275 परिच्छेदांचा निपटारा करण्याची जिल्हा परिषद मधील संबधित अधिकारी व कर्मचारी यांनी उल्लेखनीय कामगीरी केलेली आहे त्याबद्दल मुख्य कार्यकारी अधिकारी मनिषा आव्हाळे यांनी मोठया प्रमाणांत प्रलंबित असणारे परिच्छेदांचा निपटारा केलेने सर्वाचे विशेष कौतुक केले आहे.
सदर महाशिबीर यशस्वी करण्यांस मुख्य लेखा व वित्त अधिकारी मिनाक्षी वाकडे,उपमुख्य कार्यकारी अधिकारी (ग्रा.पं) ,उपमुख्य लेखा व वित्त अधिकारी चंदकांत पाटील, सहाय्यक लेखाधिकारी हरीष म्हेत्रस, कनिष्ठ लेखाधिकारी, अंकुश खेलबुडे, कनिष्ठ प्रशासन अधिकारी सिद्धराम बोरुटे यांनी विशेष परिश्रम घेतले.
