ब्रेकींग : सोलापूर विमानतळाचे उद्घाटन लांबणीवर ; पंतप्रधान मोदी यांचा दौरा रद्द
सोलापूर : नूतनीकरण झालेल्या होटगी रोडवरील सोलापूर विमानतळाचे उद्घाटन ऑनलाईन पद्धतीने देशाचे पंतप्रधान नरेंद्र मोदी यांच्या हस्ते आज गुरुवारी सायंकाळी पुणे येथून होणार होते परंतु पंतप्रधान मोदी यांचा दौरा रद्द झाल्याने हे उद्घाटन पुढे ढकलण्यात आल्याचे जिल्हा प्रशासनाकडून सांगण्यात आले. यामुळे सोलापूरची विमान सेवा सुरू होण्यास आणखी काही काळ विलंब लागणार असल्याचे दिसत आहे.
सोलापूर विमानतळावरून विमान सेवा सुरू करण्याच्या अनुषंगाने विमानतळाची पाहणी व तपासणी करून गेले होते. यामध्ये विमानतळाचे नियमन आणि सुरक्षा निरीक्षण प्रणाली द्वारे सुरक्षितता आणि हवाई सक्षमता तपासणी डीजीसीए कडून करण्यात आलेली होती. विमान वाहतूक सुरू करण्याच्या अनुषंगाने असलेली सर्व मानके सोलापूर विमानतळ प्राधिकरण कडून पूर्ण करण्यात आलेली असल्यामुळे आज डीजीसीए कडून सोलापूर विमानतळावरून विमान उडणे व उतरण्याचे परवाना (लायसन्स) मिळाले आहे,
