खासदार ज्योतीताईंना भेटण्यासाठी झुंबड ; शपथविधी झाल्यावर पाहिले पत्र तुमच्यासाठी असेल !
शिवसेनेच्या खासदार ज्योती वाघमारे राज्यसभा सदस्य निवडीचे पत्र घेतल्यानंतर प्रथमच सोलापुरात आल्या. त्यांनी नागरिकांच्या भेटीसाठी आणि सत्कार स्वीकारण्यासाठी शासकीय विश्राम गृहावर सोमवारी दुपारी वेळ दिला होता.
त्या दुपारी रेस्ट हाऊसवर असल्याचे समजताच नागरिकांची झुंबड उडाली. यावेळी जिल्हाप्रमुख अमर पाटील, जिल्हाप्रमुख मनीष काळजे, नगरसेवक प्रियदर्शन साठे यांच्यासह शिवसेनेचे पदाधिकारी मोठ्या संख्येने उपस्थित होते.
यावेळी भाजप नगरसेवक गौतम कसबे यांनी ही स्वागत केले, तेव्हा काहींनी या नगरसेवक या असे म्हणताच तेव्हा खासदार ज्योतीताईंनी ते नगरसेवक आता आहेत पाहिले माझे भाऊ आहेत असे सांगत दुरावा कमी केला.
काळजे यांनी खासदारांशी एका दिव्यांग युवकाची भेट घालून दिली. त्या युवकाने निवेदन देऊन महापालिकेकडून दिव्यांगाना मिळणारे अनुदान दिले जात नाही अशी तक्रार केली तेव्हा माझी संसदेत शपथविधी झाल्यानंतर पहिले पत्र तुमच्यासाठी असेल असे आश्वासन दिले.
बक्षी हिप्परगे चे माजी सरपंच विश्रांत गायकवाड यांनी संपूर्ण गावच्या वतीने सत्कार केला. आपल्या ताई, मैत्रीण खासदार झाल्याचा आनंद सत्कार करताना प्रत्येकाच्या चेहऱ्यावर झळकत होता.
