सोलापूर : हिंगोली वरून पंढरपूर कडे जाणाऱ्या भाविकांचा पिकअप हे वाहन पलटी होऊन झालेल्या अपघातात एका भाविकांचा मृत्यू झाला या दुर्घटनेत महिला पुरुष बालक जखमी झाले आहेत. अपघात गुरुवारी पहाटे पाचच्या सुमारास कुर्डूवाडी शेटफळ रोडवर घडला 108 क्रमांक ॲम्बुलन्सच्या तत्पर सेवेमुळे अनेकांना वेळेवर उपचार मिळण्यास मदत मिळाली.
हिंगोली जिल्ह्यातील वरुड गावचे आठ पुरुष, सात महिला, सहा बालके असे मिळून पिकआप या वाहनातून बुधवारी रात्री पंढरपूरकडे निघाले होते. पहाटे पाचच्या सुमारास कुर्डूवाडी शेटफळ या रोडवर शेटफळ जवळ चार किलोमीटर अंतरावर भाविकांनी भरलेले हे वाहन पलटी झाले. या अपघातात राजाराम शिंदे या भाविकांचा गंभीर जखमी होऊन मृत्यू झाला आहे.
त्यातील एक महिला गरोदर असून गंभीररित्या जखमी झाली. 3 पुरुष गंभीर जखमी आहेत त्यात गोविंद कोटकर वय वर्ष 30 याचा उजवा पाय मोडला आहे. ज्ञानबा डरुगे यांचा दोन्ही पायाची हालचाल होत नाही. सरस्वती गजानन शिंदे या महिलेच्या डोक्याला मार लागला. ज्ञानेश्र्वर काळे या तरुणाला हाताला पायाला मर लागला आहे. अपघात झाल्याचे कळताच कुर्डूवाडी चे १०८ क्रमांक ॲम्बुलन्स चालक संतोष चव्हाण आणि डॉक्टर ओंकार मोहिते तसेच शेटफळच्या 108 क्रमांकाचे चालक आप्पा राऊत घटनास्थळी पोहोचले. त्यांनी तातडीने जखमींना कुर्डूवाडीच्या ग्रामीण रुग्णालयात उपचारासाठी दाखल केले आहे.
