राष्ट्रवादीच्या दादांनी सोलापूरच्या दादांना दिले हे गिफ्ट ; आनंद चंदनशिवे राष्ट्रवादी काँग्रेसचे…..
सोलापूर : सोलापुरातील आंबेडकरी चळवळीतील आक्रमक कार्यकर्ता, माजी गटनेते आनंद चंदनशिवे यांना अजित पवार गट राष्ट्रवादी काँग्रेसच्या प्रदेश उपाध्यक्ष पदावर संधी देण्यात आली आहे. प्रदेशाध्यक्ष सुनील तटकरे यांनी आज गुरुवारी हे नियुक्ती केली. तसे पत्र चंदनशिवे यांना पाठवण्यात आले आहे.
राष्ट्रवादी काँग्रेसचे राष्ट्रीय अध्यक्ष अजित पवार यांच्या नेतृत्वाखाली आनंद चंदनशिवे यांनी राष्ट्रवादीमध्ये प्रवेश केला होता. आनंद चंदनशिवे यांच्या माध्यमातून उपमुख्यमंत्री अजित पवार यांनी मोठा विकास निधी दिला आहे.
सोलापुरातील आंबेडकरी चळवळीमध्ये आग्रही असणारे चंदनशिवे यांच्यावर पक्षाने प्रदेश उपाध्यक्ष पदाची मोठी जबाबदारी दिली आहे.
आनंद चंदनशिवे हे सोलापूर महानगरपालिकेतील सलग तीन टर्म बहुजन समाज पार्टी कडून नगरसेवक राहिले आहेत. त्यानंतर 2019 च्या लोकसभा निवडणूक त्यांनी प्रकाश आंबेडकर यांच्या वंचित बहुजन आघाडी मध्ये प्रवेश केला. काही वर्षांनी त्यांनी वंचित बहुजन आघाडी सोडून अजित पवार यांच्या नेतृत्वावर विश्वास ठेवून राष्ट्रवादीमध्ये दाखल झाले आहेत.
