महापालिका आयुक्त लक्ष घालणार का? विजापूर रोड पाटील नगरातील नागरिकांचा आंदोलनाचा इशारा
सोलापूर : विजापूर रोडवरील मागील चाळीस वर्षांपासून वहिवाटीस असलेला रस्ता जाणीवपूर्वक बंद केल्या प्रकरणी नागरिक वैतागले असून याप्रकरणी महापालिका आयुक्तांनी लक्ष न दिल्यास सोमवारी पालिका प्रवेशद्वारासमोर आंदोलन करण्याचा इशारा दिला आहे.
संत तुकाराम नगर, पाटील नगर, युनिटी कॉम्पलेक्स, कितुर चिन्नम्मा नगर, प्रभात नगर, अनुपम पार्क व इतर नगरातील आजूबाजूला १० ते १५ हजार लोकसंख्या असलेली लोकवस्ती असून येण्या जाण्यास पाटील नगर मधून संत तुकाराम नगर व पाटील नगर यांच्यामधून जाणारा रस्ता आहे. तेथे दररोज १००० ते १२०० विद्यार्थी शाळेला जातात व नोकरदार वर्ग आहे. आजूबाजूला ५ ते ७ हॉस्पिटल आहेत.
पाटील परिवारातील ४-५ जण मिळून येण्या जाण्यास वहिवाटीस जे गेल्या ४०-५० वर्षापासून असलेला रस्ता गेल्या दोन-तीन दिवसापासून बंद केलेला आहे. तेथील नागरीकांची गैरसोय होत असून लवकरात लवकर महानगरपालिकेने बंद असलेला रस्ता वहिवाटीस खुला करुन द्यावा. व संबंधीत लोकांनी सदरचा रस्ता बंद केल्याने त्यांच्यावर फौजदारी स्वरुपाचा गुन्हा दाखल करावा. व कायमस्वरुपी त्याच्यावर तोडगा काढावा अशी मागणी नागरिकांनी केली आहे.
अन्यथा तेथील १० ते १५ हजार लोक सोमवार दिनांक २३/०६/२०२५ रोजी पासून महानगरपालिकेसमोर ठिय्या आंदोलन करणार आहेत. याची कृपया नोंद घेऊन सदरचा रस्ता तात्काळ पूर्वीप्रमाणे खुला करण्यात यावा अशी मागणी नागरिकांनी आहे.
