खासदार प्रणिती शिंदे रुपाभवानी मातेच्या दर्शनाला ; मातेच्या चरणी केली ही प्रार्थना
सोलापूर : आई उदो उदो सदानंदीचा उदो उदो, भवानी माता की जय असा जयघोष करत श्री. रूपाभवानी मंदिर येथे खासदार प्रणिती शिंदे यांनी रूपाभवानी मातेचे दर्शन घेतले. यावेळी देवस्थान समितीच्या वतीने त्यांचा सत्कार करण्यात आला. यावेळी खासदारांनी महिलांच्या भेटी घेतल्या अनेकांनी त्यांच्यासोबत फोटो काढले.
दर्शन घेतल्या नंतर खासदार प्रणिती शिंदे म्हणाल्या, देवीच्या दर्शनाने एक वेगळी ऊर्जा मिळते. नवरात्रीत सर्वत्र देवीचा जागर असतो, पूजा-अर्चा करतात आणि देवीकडे प्रार्थना करतात. प्रत्येक महिलांमध्ये देवीचे रूप असते. आज आम्ही सगळे भाविक भक्त एकत्र येऊन श्री रुपाभवानी देवी चरणी माथा टेकत आहोत आणि कृतज्ञतेची भावना व्यक्त केली.
आई रूपाभवानी तुझी कृपा सर्वांवर असू दे आणि माझ्या सर्व भावांना विनंती की जसे तुम्ही स्त्रीशक्तीचा जागर करता पूजाअर्चा करता पण हे विसरू नका प्रत्येकाच्या घरी एक देवीच्या स्वरुपात आई असते, एक मुलगी असते, एक बहीण असते, व पत्नी असते तिला पण तेवढाच मान सन्मान द्या हीच खरी देवी वरची श्रद्धा असेल असे मला वाटते.
माझ्या सगळ्या माता-भगीनीच्या माझ्या सर्व समाज बांधवांचे सर्व सोलापूर शहर जिल्ह्यातील जनतेच्या मनातील सर्व इच्छा आकांक्षा पूर्ण होऊ द्या आणि त्यांचे आयुष्य सुखाचे आणि समृद्धीचे जाऊ द्या अशी आई रुपाभवानी चरणी प्रार्थना केली आहे अशी भावना या वेळी व्यक्त केली.
