मोहोळच्या तरटगावात अतिक्रमण करून अवैद्य धंदे सुरू ; ग्रामस्थांना त्रास, प्रशासन दरबारी मारताहेत फेऱ्या
सोलापूर : मोहोळ तालुक्यातील तरटगावामध्ये अतिक्रमण करून अनाधिकृतपणे खोटी टाकून मोठ्या प्रमाणात जुगार, दारू विकणे, मटका असे अवैध धंदे सुरू आहेत. याचा ग्रामस्थांना प्रचंड त्रास होत आहे. प्रशासन दरबारी हेलपाटे मारून पण न्याय मिळत नसल्याचे चित्र पाहायला मिळत आहे.
तरटगाव मधील लक्ष्मीबाई शंकर वाघमारे यांची गट नंबर एक येथे शेत जमीन आहे. या शेतजमीनला लागून गावातील काही गुंड प्रवृत्तीचे माणसं अतिक्रमण करून अवैध धंदे टाकले आहेत. त्यामुळे वाघमारे कुटुंबियांना नाहक त्रास सहन करावा लागतो आहे. याबाबत लक्ष्मीबाई वाघमारे यांनी पोलीस अधीक्षक आणि जिल्हाधिकारी यांना याप्रकरणी तक्रार दिली आहे, तात्काळ हे अतिक्रमण काढून या अवैद्य धंदे चालकांवर कारवाई करण्याची मागणी त्यांनी केली आहे.
