कास्ट्राईब संघटनेने केला नवे सीईओ कुलदीप जंगम यांचा सत्कार
कास्ट्राईब जिल्हा परिषद कर्मचारी संघटनेच्या वतीने जिल्हा परिषद कर्मचारी महासंघाचे राज्य उपाध्यक्ष गिरीश जाधव, जिल्हाध्यक्ष अरुण क्षीरसागर यांच्या हस्ते नूतन मुख्य कार्यकारी अधिकारी कुलदीप जंगम यांचा सत्कार करण्यात आला. याप्रसंगी सीईओ यांना बहिष्कृत भारत या पुस्तकाची प्रत व पुष्पगुच्छ देऊन स्वागत करण्यात आले व त्यांना पुढील वाटचालीस शुभेच्छा देण्यात आल्या.
याप्रसंगी संघटनेचे सरचिटणीस संजय कांबळे, कोषाध्यक्ष कल्याण श्रावस्ती, उपाध्यक्ष उमाकांत राजगुरू, अति. सरचिटणीस योगेश कटकधोंड, कार्याध्यक्ष भगवान चव्हाण, संघटन सचिव नरसिंह गायकवाड, मकरंद बनसोडे, राजू मानवी, मोहित वाघमारे आदींसह संघटना पदाधिकारी मोठ्या संख्येने उपस्थित होते..
