सोलापुरातील शांतीनगर देसाईनगर मध्ये महिला आक्रमक ; यंदा युवराज भैय्यालाच आमदार करणार, प्रताप नगर तांड्यात जेसीबी तून पुष्पवृष्टी
सोलापूर : दक्षिण सोलापूर विधानसभा मतदारसंघातील दक्षिण परिवर्तन विकास आघाडीचे उमेदवार युवराज राठोड यांना शहरातील हद्दवाढ भागातील कामगारांची वस्ती समजल्या जाणाऱ्या शांतीनगर आणि देसाई नगर या भागात विशेष करून महिला वर्गाचा प्रचंड पाठिंबा मिळाला आहे.
रविवारी उमेदवारी युवराज राठोड यांची रॅली या भागातून काढण्यात आली त्यावेळी मुस्लिम समाजातील महिलांनी त्यांना आमदार करण्याचा निर्धार केला आहे.
सर्वसामान्यांच्या मदतीला कायम धावून जाणाऱ्या युवराज भैय्यांना यंदा आमदार करूनच आम्ही विधानसभेत पाठवणार असा निर्धार इथल्या महिलांनी केला.
युवराज राठोड यांना संपूर्ण बंजारा समाजाने या मतदारसंघात पाठिंबा दर्शवला आहे. शहरालगत असलेल्या प्रताप नगर तांड्यात जेव्हा युवराज राठोड प्रचाराला गेले तेव्हा समाज बांधवांनी जंगी स्वागत केले. त्यांच्यावर जेसीबीतून पुष्पवृष्टी करण्यात आली. या भागातून सुद्धा सर्व नागरिकांनी त्यांना एकमुखी पाठिंबा दर्शवला आहे.
