सोलापुरात दोन तासात सोलापुरात 5.97 तर माढा मतदारसंघात 5.15 टक्के
सोलापूर : लोकसभा निवडणुकीसाठी सोलापूर आणि माढा लोकसभा मतदारसंघात सकाळी सात वाजल्यापासून अत्यंत चुरशीने मतदान सुरू झाले आहे सकाळच्या सुमारास ऊन कमी असल्याने मतदान केंद्रावर नागरिकांच्या रांगा दिसून येत आहेत विशेष करून वृद्ध नागरिक सर्वात प्रथम मतदान करून निवांत होत आहेत.
दरम्यान निवडणूक कार्यालयाकडून सोलापूर लोकसभा आणि माढा लोकसभा मतदारसंघातील सकाळी सात ते सकाळी नऊ या दोन तासातील मतदानाची आकडेवारी समोर आली असून त्यामध्ये सोलापूर लोकसभा मतदारसंघात 5. 97 टक्के तर माढा लोकसभा मतदारसंघात 5.15 टक्के इतके मतदान झाले आहे.
यामध्ये सोलापुरातून दक्षिण सोलापूर मतदारसंघात सध्या तरी सर्वाधिक मतदान झाले असून माढा मतदारसंघात माळशिरस तालुक्यातून सर्वाधिक मतदान झाल्याचे आकडेवारी सांगत आहे.
