सोलापुरात दोन आजी माजी आमदारांना पुत्र पराभवाचा धक्का ; एकीकडे मात्र मुलगा मुलगी आले निवडून
राज्यातील जिल्हा परिषद आणि पंचायत समिती निवडणूक अखेर संपल्या या निवडणुकीत अनेक राजकीय समीकरणे पाहायला मिळाली अनेक दिग्गज नेत्यांना धक्का बसला यामध्ये विशेष करून राष्ट्रवादी काँग्रेसचे जिल्हाध्यक्ष उमेश पाटील त्यांचे बंधू संतोष पाटील या दोन्ही भावांना पराभवाचा जोरदार धक्का बसला.
यासह जिल्ह्यातील दोन आजी-माजी आमदारांची ना सुद्धा आपल्या पुत्रांच्या पराभवाचा धक्का बसला आहे. त्यामध्ये सांगोल्याचे माजी आमदार दीपक साळुंखे पाटील यांचे चिरंजीव सूर्यदित्य दीपक राव साळुंखे पाटील यांचा धक्कादायक पराभव झाला असून त्यांना राष्ट्रवादीच्या अतुल पवार यांनी धूळ चारली. या विजयामुळे अतुल पवार हे पुन्हा एकदा झेडपी देणार आहेत.
याचबरोबर माळशिरसचे विद्यमान आमदार उत्तमराव जानकर यांना सुद्धा पुत्र पराभवाचा धक्का बसला आहे. माजी आमदार राम सातपुते यांच्या पत्नी संस्कृती सातपुते यांनी आमदार जानकर यांचे चिरंजीव जीवन जानकर यांचा पराभव केला. या निकालाने विधानसभा निवडणुकीत झालेल्या पराभवाचा वचपा राम सातपुते यांनी काढल्याचे बोलले जात आहे.
एकीकडे आजी-माजी आमदारांना पराभवाचे धक्के बसले असताना दुसरीकडे मात्र माजी मंत्री सिद्धाराम म्हेत्रे यांचा मुलगा आणि मुलगी दोघेही विजयी झाले आहेत. मुलगा शिवराज म्हेत्रे हा अक्कलकोट तालुक्यातील सलगर जिल्हा परिषद गटातून शिवसेनेकडून विजयी झाला. तसेच मुलगी शितल म्हेत्रे या तोळणुर पंचायत समिती गणातून शिवसेनेतर्फे विजयी झाल्या आहेत.
