सोलापुरात शिवसेना आक्रमक ; देवेंद्र फडणवीसांच्या राजीनाम्याची मागणी
सोलापूर : बदलापूर येथे एका प्रशालेत चिमुकली वर झालेल्या अत्याचाराच्या घटनेनंतर त्याचे पडसाद संपूर्ण महाराष्ट्रात उमटले आहेत. सोलापुरात बुधवारी उद्धव बाळासाहेब ठाकरे शिवसेनेच्या वतीने जोरदार निदर्शने करण्यात आली घटनेतील आरोपीवर फास्टट्रॅक कोर्टाद्वारे खटला चालवून त्याला फाशी द्या अशी मागणी करण्यात आली.
शिवसेनेचे जिल्हाप्रमुख प्राध्यापक अजय दासरी, शहर मध्य अध्यक्ष दत्तापंत वानकर, प्रताप चव्हाण, युवती सेनेच्या अध्यक्षा पूजा खंदारे, लहू गायकवाड यांच्यासह कार्यकर्ते मोठ्या संख्येने सहभागी झाले होते.
यावेळी जोरदार घोषणाबाजी करून निदर्शने करण्यात आली दत्तोपंत वानकर यांनी घटनेचा तीव्र शब्दात निषेध नोंदवला. बलात्काराच्या अनेक घटना घडत असताना देशातील आणि राज्यातील सरकार काय करते असा प्रश्न सर्वसामान्य जनतेला पडतोय, त्यामुळे या घटनेतील आरोपीला फाशीची शिक्षा झाली पाहिजे अशी मागणी केली.
