सोलापुरात गोपीचंद पडळकरांच्या कार्यकर्त्यांचा राष्ट्रवादीत प्रवेश ; भाऊंनी लगेच दिलं मोठं गिफ्ट
सोलापूर शहरातील आमदार गोपीचंद पडळकर यांचे समर्थक म्हणून ओळख असणारे धनगर समाजातील पवन पाटील यांनी अजित पवारांच्या राष्ट्रवादी काँग्रेस मध्ये प्रवेश केला. राष्ट्रवादी काँग्रेस पार्टीचे राष्ट्रीय अध्यक्ष अजित पवार, प्रदेशाध्यक्ष खा.सुनील तटकरे यांच्या आदेशानुसार व सोलापूर शहर -जिल्हाध्यक्ष संतोष पवार व कार्याध्यक्ष जुबेर बागवान यांच्या शिफारसीनुसार विद्यार्थी प्रदेश अध्यक्ष प्रशांत कदम यांनी सोलापूर शहर राष्ट्रवादी काँग्रेस पार्टी शहर विद्यार्थी अध्यक्ष पदी पवनकुमार पाटील यांची नियुक्ती केली.
हे पण वाचा : गांजाचे ओरिसा ते अकलूज कनेक्शन
याबाबतचे नियुक्ती पञक युवक प्रदेशाध्यक्ष प्रशांत कदम यांनी मेलद्वारे सोलापूर शहर-जिल्हाध्यक्ष संतोष पवार यांना पाठवले ते नियुक्ती पञक पवार व कार्याध्यक्ष जुबेर बागवान यांनी गुरुवारी पवनकुमार पाटील यांना सुपूर्द केले. या निवडी बद्दल शहर-जिल्हाध्यक्ष संतोष पवार व कार्याध्यक्ष जुबेर बागवान यांनी पवनकुमार पाटील यांना पुढील यशस्वी वाटचालीस शुभेच्छा दिल्या.
या नियुक्ती प्रसंगी सेवादल अध्यक्ष प्रकाश जाधव, सामाजिक न्याय अध्यक्ष राजा बेळ्ळेनवरु, वैद्यकीय मदत कक्ष बसवराज कोळी, सोशल मीङीया शहराध्यक्ष वैभव गंगणे, कार्याध्यक्ष सोमनाथ शिंदे, दत्ता वाघमोडे, दशरथ शेंडगे, बाबा देवकर, ओकांर ङबरे, अविनाश खराटे, रोहीत रेडडी, विजय रेडडी, रवी हिरोळे, महेश कोळी, रुतुज वरकट्टे, अक्षय वरकट्टे, ओंकार माने यांच्यासह कार्यकर्ते मोठ्या संख्येने उपस्थित होते.
