सोलापूर : दक्षिण सोलापूर तालुक्यातील राष्ट्रवादी काँग्रेसचे नेते बाळासाहेब बंडगर मामा यांचा वाढदिवस नुकताच साजरा झाला. त्या कार्यक्रमाला राष्ट्रवादी काँग्रेसचे प्रदेश प्रवक्ते उमेश पाटील, काँग्रेसचे अध्यक्ष चेतन नरोटे, बाळासाहेब शेळके, रामप्पा चिवडशेट्टी त्यांच्या सहर्ष सोलापुरातील अनेक मान्यवर मोठ्या संख्येने उपस्थित होते.
उमेश पाटील यांनी भाषण करताना बाळासाहेब बनकर यांना वाढदिवसाच्या शुभेच्छा दिल्या. राजकारणावर भाष्य करताना राज्यात कोण कुठे सत्तेसाठी जाईल भविष्यात काय होईल हे कधीही सांगता येणार नाही. नुकत्याच झालेल्या विधानसभेच्या निवडणुकांवर ही त्यांनी भाष्य केले.
सगळीकडे भाजप भुईसपाट होऊन काँग्रेस येईल अशी शक्यता होती परंतु तेलंगणा सोडली की कुठेही काँग्रेसला विजय मिळाला नाही हे वास्तव आहे. त्यामुळे भविष्यात प्रणिती शिंदे या लोकसभेला गेल्यास शहर मध्य मतदारसंघ रिकामा होईल ती जागा भरली पाहिजे. तीन पक्षाच्या युतीमध्ये शहर मध्य आम्हाला सुटेल. काँग्रेस पक्ष हा दिल्लीतून चालतो त्यांना काय माहित स्थानिक पातळीवर कोण किती काम करते असे म्हणून चेतन नरोटे यांना राष्ट्रवादी काँग्रेसची ऑफर दिली तसेच त्यांच्या पक्ष निष्ठेचेही कौतुक केले.. यावेळी उमेश पाटील नक्की काय म्हणाले पहा हा व्हिडिओ..
