सोलापूरच्या दिपक आबांना आघाडी सुटेना ; महायुती शब्द येईचना ; जिल्हाध्यक्षांना प्रश्न सांगोल्याचेच
सोलापूर : राष्ट्रवादी अजित पवार गटाचे जिल्हाध्यक्ष दीपक साळुंखे पाटील यांनी मंगळवारी सोलापुरात पदाधिकाऱ्यांची बैठक घेतली. त्यानंतर आपल्या नूतन जिल्हा कार्यालयात पूजा केली. पुन्हा जिल्हाध्यक्ष झाल्यानंतर त्यांनी पत्रकारांशी संवाद साधला.
शरद पवार हे माझे अजूनही दैवत आहेत पण भविष्यातील नेतृत्व पाहता अजित दादा यांच्या नेतृत्वाखाली काम करण्याचा निर्णय घेतला असे सांगितले. यावेळी पत्रकारांशी बोलताना त्यांनी आगामी लोकसभेसाठी पक्ष संघटन मजबूत करण्याकडे भर दिला जात आहे असे सांगतानाच त्यांच्या तोंडून महा’आघाडी.. महा’आघाडी असाच शब्द बाहेर पडला परंतु महायुती’ हा शब्द एकदाही तोंडून आला नाही त्यामुळे दीपक आबा हे अजूनही ‘आघाडी’च्याच प्रेमात असल्याची चर्चा पत्रकारांमधून ऐकण्यास मिळाली.
यावेळी पत्रकारांनी दीपक साळुंखे यांना ते सोलापूरचे जिल्हाध्यक्ष असतानाही सांगोल्याच्या विधानसभा उमेदवारीवरच वारंवार प्रश्न विचारत त्यांची फिरकी घेण्याचा प्रयत्न केला. पहा हा व्हिडिओ
