काँग्रेस मत म्हणजे आतंकवादाला चालना ; मुख्यमंत्री योगी आदित्यनाथ यांचा थेट आरोप ; सोलापुरात सुशीलकुमार शिंदे टारगेट
सोलापूर : सोलापूरकरांनो, तुमचे एक मत जर चुकीच्या दिशेने गेले तर पुन्हा आतंकवादाला चालना मिळेल, मात्र नरेंद्र मोदींना मत म्हणजे, देशाच्या प्रगतीला मत जाईल, त्यामुळे काँग्रेसचे मनसुभे उधळून लावा पुन्हा सुरक्षित मोदींच्या हातात देश द्या असे आवाहन उत्तर प्रदेशचे मुख्यमंत्री योगी आदित्यनाथ यांनी केले.
सोलापुरात महायुतीचे उमेदवार आमदार राम सातपुते यांच्या प्रचारार्थ योगी आदित्यनाथ यांची वल्याळ मैदानावर भव्य सभा झाली. त्या सभेला त्यांनी संबोधित केले.
ते म्हणाले, राम जन्मभूमी आंदोलनात ज्यांनी सहभाग घेतला त्यांचे आभार व्यक्त करतो, अयोधेतील राम मंदिर समस्त हिंदूंचे शक्तिस्थान आहे, भीमराव आंबेडकर यांचे संविधान, महात्मा फुले, सावित्रीबाई फुले तसेच बाळासाहेब ठाकरे यांच्या विचारांची प्रेरणा पंतप्रधान मोदी यांच्यामध्ये दिसते.
लोकसभा निवडणुकीचे दोन टप्पे पूर्ण झाले आहेत, मी संपूर्ण देशात फिरतो आहे, सर्वत्र एकच आवाज आहे ती म्हणजे “फिर एक बार मोदी सरकार”, फुले – आंबेडकर यांचे विचार व बाळासाहेब ठाकरे यांच्या विचारांवर चालताना मोदी यांनी देशाला सुरक्षित केले आहे, फटाके जरी वाजले तर पाकिस्तान म्हणतो, आम्ही काही केले नाही, आता काँग्रेसच्या हातातील देश राहिला नाही, पाकिस्तानवर एवढी दहशत आपली निर्माण केली आहे.
देशातील शेतकरी आत्मनिर्भर होतील, श्रमिक व्यवस्थित जीवन जगातील, महिला सुरक्षित राहतील, युवक योग्य मार्गावर चालतील हेच मोदी यांचे ध्येय आहे.
बारा करोड शेतकऱ्यांना सन्मान निधी दिला २ कोटी घरात उज्वला योजनेतून गॅस दिले, त्यामुळे नव्या व विकसित भारताची सुरुवात झाली आहे, आयोधेत काँग्रेसवाल्यांनी राम मंदिर बनवले असते का? रक्ताचे पाट वाहतील असे म्हणत होते, आजपर्यंत एक मच्छर पण नाही मेला, सात वर्षात उत्तर प्रदेशात एकही दंगा झाला नाही, हे भाजपच्या सरकारचे उध आहे.
हेच काँग्रेस आहे, ज्यांनी हिंदू आतंकवाद हा शब्द दिला होता, त्यावेळी देशाचा गृहमंत्री कोण होता, त्यांचीच मुलगी आज निवडणूक लढत आहे, हेच लोक आज तुमच्या समोर मत मागायला येत आहेत, हिंदूंना अपमानित करण्यासाठी त्यांनी काय नाय केले, देशात आतंकवाद, नक्षलवाद काँग्रेसने दिला असा आरोप योगी यांनी केला.
आता काँग्रेस sc, st, OBC च्या आरक्षणावर बोलत आहे, त्यांचे आरक्षण काढून मुस्लिमांना देण्याचा घाट घातला आहे. साजिश करत आहेत, देशात जातीय जनगणना करणार त्यामुळे हिंदूंना एकमेकात लढवणार, त्यानंतर आपले हक्क मुसलमानांना देण्याचे षडयंत्र सुरू केले आहे, त्यांचे मनसुबे उधळून लावायाचे आहेत.
मोदींनी देशाच्या विकासात दहा वर्ष काम केले, देशप्रेम त्यांच्याकडे प्रथम असते, काँग्रेस वाले मात्र देशाची फाळणीची भाषा करीत आहे, अशा काँग्रेस सोबत राहणार का?
संविधान बदलण्याची भाषा करीत आहेत, पण मोदींचे संविधानावर असलेले प्रेम देशवासीयांनी पाहिले आहे. जो राम को लाये है हम उनको लायेंगे, म्हणून सोलापूरचे उमेदवार राम सातपुते यांना विजयी करा असे आवाहन त्यांनी केले.
