भारत जाधव समर्थकांसह सुशीलकुमार शिंदेंना भेटले मुंबईत ; साहेबांनी दिला हा सल्ला
सोलापूर : काँग्रेस भटक्या विमुक्त सेलचे शहराध्यक्ष भारत जाधव हे काँग्रेस भवनात दिसेना या विषयाखाली बातमी प्रसारित करण्यात आली होती. तसेच भारत जाधव यांचा पालकमंत्री चंद्रकांत पाटील यांच्या सोबतचा फोटो काँग्रेस कार्यकर्त्यांनी व्हायरल केला होता. त्यामुळे जाधव भाजप मध्ये जाणार का?असे ही प्रश्न उपस्थित केले जात होते.
दरम्यान भटक्या विमुक्त सेलचे शहराध्यक्ष भारत जाधव यांनी शहर – जिल्हा कॉग्रेस वक्ता सेलचे प्रवक्ता नागनाथ कदम, सुभाष चव्हाण, नागनाथ गायकवाड, हिंगमिरे, हजुम मास्तर, भरत मेकाले गुरुजी, अशोक मादगुंडे, पत्रकार राम गायकवाड, चंदपा क्षेत्री, दशरथ गायकवाड यांच्या शिष्टमंडळासह मुंबई मध्ये ज्येष्ठ नेते सुशीलकुमार शिंदे यांची भेट घेतली.
यावेळी लोकसभा निवडणुकी सह पक्ष वाढीच्या विषयावर बराच वेळ चर्चा झाली. यावेळी आमच्या रक्तात काँग्रेस आहे, आम्ही कधीही भाजप मध्ये जाणार नाही, महाराष्ट्रतील सर्व भटक्या विमुक्त समाज हा सुशीलकुमार शिंदे व सोलापूर शहर मध्यच्या आमदार प्रणिती शिंदे यांच्या सोबत आहे अशी ग्वाही भारत जाधव यांनी दिली.
सुशीलकुमार शिंदे यांनी आगामी लोकसभा निवडणुकीसाठी पक्ष संघटना मजबूत करण्यासह काँग्रेसच्या उमेदवाराला निवडून आणण्यासाठी आता कामाला लागा अशा सूचना केल्याचे सांगण्यात आले.
