काँग्रेसच्या चेतन नरोटे यांचा राम सातपुतेंवर वार ; भाजपच्या पोटात दुखू लागले ; का असे म्हणाले नरोटे
सोलापूर : भाजप उमेदवार आमदार राम सातपुते यांनी काँग्रेसच्या राहुल गांधी यांच्या सभेवर टीका करताना केवळ पाच ते आठ हजार लोक सभेला होते अशी टर उडविली होती.
दरम्यान यावर काँग्रेस शहराध्यक्ष चेतन नरोटे यांची प्रतिक्रिया घेतली असता त्यांनी उमेदवार राम सातपुते यांना लक्ष केले, माध्यमांचे सर्व प्रतिनिधी त्या सभेले होते, त्यांच्या पायाखालची वाळू सरकली असून त्यांच्या पोटात दुखू लागले आहे, त्यांना एम आय एम तसेच वंचित बहुजन आघाडीच्या उमेदवाराची अपेक्षा होती, ती फेल गेल्याने भाजपची अडचण झाली आहे,
सर्वांच्या लक्षात आले आहे की, दहा वर्षात भाजपने काही केले नाही, भ्रष्टाचार, महागाई यामुळे जनता हैराण आहे, त्यामुळे यंदा सोलापूरचा मूड बदलला असल्याने भाजप टेन्शन मध्ये असून राम सातपुते काहीही बेताल वक्तव्य करीत आहेत असा टोला हाणला.
