छत्रपती शिवरायांच्या घोड्यावरील एन्ट्रीने उपस्थितांमध्ये स्फुल्लिंग चेतले ! शिवगर्जना महानाट्याचे शानदार उद्घाटन ; फोटो व व्हिडिओ पहा
राज्याच्या सांस्कृतिक कार्य विभागामार्फत छत्रपती शिवाजी महाराजांच्या 350 व्या राज्याभिषेक वर्षानिमित्त राज्यातील प्रत्येक जिल्ह्यात छत्रपती शिवाजी महाराजांच्या जीवनावर आधारित महानाट्य सादर केले जात आहेत. त्याच अनुषंगाने सोलापूर जिल्ह्यात दिनांक दहा ते बारा फेब्रुवारी 2024 दरम्यान शिवगर्जना हे महानाट्य सादर केले जाणार असून या शिवगर्जना महानाट्यचे उद्घाटन आमदार सुभाष देशमुख, जिल्हाधिकारी कुमार आशीर्वाद यांच्या हस्ते करण्यात आले.
यावेळी मनपा आयुक्त शितल उगले तेली, मुख्य कार्यकारी अधिकारी मनीषा आव्हाले, निवासी उपजिल्हाधिकारी मनीषा कुंभार, उपजिल्हाधिकारी महसूल अमृत नाटेकर, महानाट्य दिग्दर्शक स्वप्निल यादव व अन्य मान्यवर उपस्थित होते.
यावेळी आमदार सुभाष देशमुख यांनी उपस्थित त्यांना या महानाट्यातून छत्रपती शिवरायांचा आदर्श घेण्याचे आवाहन केले.
