सोलापूर : राष्ट्रवादी काँग्रेसच्या संपर्कात जाऊन पुन्हा दूर गेलेले आणि सध्या कोणत्याही पक्षात नसलेले माजी गटनेते आनंद चंदनशिवे यांची संगत आता राष्ट्रवादी काँग्रेस अजित पवार गटाचे प्रवक्ते उमेश पाटील यांच्याशी चांगलीच वाढल्याचे पाहायला मिळत आहे.
ग्रामदैवत श्री शिवयोगी सिद्धरामेश्वराच्या यात्रेनिमित्त आनंद चंदनशिवे यांच्या वतीने ६८ लिंगाला पायी चालत जाणाऱ्या भाविक भक्तांना राष्ट्रवादीचे मुख्य प्रवक्ते उमेश पाटील यांच्या हस्ते दूध वाटप करण्यात आले.
याप्रसंगी राष्ट्रवादी काँग्रेस पार्टीचे जिल्हाध्यक्ष सोलापूर शहर संतोष पवार, कार्याध्यक्ष जुबेर बागवान, इरफान शेख, युवक शहर अध्यक्ष सुहास कदम, युवा नेते सोहम लोंढे, राष्ट्रवादी अल्पसंख्याक शहर कार्याध्यक्ष रियाज शेख, राष्ट्रवादी माथाडी जिल्हाध्यक्ष दिलीप ननावरे, माजी नगरसेवक गणेश पुजारी, रविकांत कोळेकर, शहर युवक कार्याध्यक्ष तुषार जक्का, गौतम चंदनशिवे, अमित बनसोडे, आदित्य चंदनशिवे, शहर राष्ट्रवादी युवक उपाध्यक्ष मकरंद शिवशेट्टी, प्रवक्ता शहर युवक पारस कुमठेकर, युवक शहर संघटक दत्तात्रय बडगंची, युवक उपाध्यक्ष यशराज डोळसे इत्यादी उपस्थित होते.
