सोलापूर : राष्ट्रवादी काँग्रेसचे राष्ट्रीय अध्यक्ष अजित पवार यांचे अतिशय कट्टर आणि निकटवर्तीय मानले जाणारे सोलापूरचे उमेश पाटील यांच्यावर आगामी लोकसभा निवडणुकीच्या पार्श्वभूमीवर पक्षाने मोठी जबाबदारी सोपवली आहे.
उमेश पाटील यांची राष्ट्रवादी काँग्रेसच्या मुख्य प्रवक्ता म्हणून निवड केली आहे. या निवडीचे पत्र उपमुख्यमंत्री अजित पवार यांच्या हस्ते, प्रदेशाध्यक्ष सुनील तटकरे वैद्यकीय शिक्षण मंत्री हसन मुश्रीफ यांच्या प्रमुख उपस्थितीत देण्यात आले.
उमेश पाटील हे यापूर्वी प्रदेश प्रवक्ते म्हणून कार्यरत होते त्यांनी राष्ट्रवादी काँग्रेस पक्षाची भूमिका अतिशय पद्धतशीर आणि तेवढ्याच ताकदीने मांडल्याचे पाहायला मिळाले. सोलापूर जिल्ह्याचे कार्यकारी अध्यक्ष म्हणून ही त्यांनी कामकाज पाहिले आहे. सोलापूर जिल्हा परिषद सदस्य जिल्हा नियोजन समितीचे सदस्य ही दोन पदे भूषवताना प्रशासकीय पातळीवर त्यांनी सर्वांचे लक्ष वेधून घेतले.
उमेश पाटील
शिक्षण : M.Sc.Agri.
राजकीय कारकीर्द : पक्ष स्थापने पासून कृषि विद्यार्थी चळवळीतून राजकीय कामाची सुरूवात
वयाच्या 29 व्या वर्षी 2011 साली पक्षाच्या वरिष्ठ कार्यकारीणी मध्ये सरचिटणीस पदी निवड
2012 साली युवक प्रदेशाध्यक्ष पदी निवड
2012 साली प्रदेश प्रवक्ता पदी निवड (आज पर्यंत प्रदेश प्रवक्ता म्हणून कार्यरत )
2015 साली पुन्हा सरचिटणीस पदी निवड व नंदुरबार जिल्हा प्रभारी म्हणून जबाबदारी
1017 साली सोलापूर जिल्हाध्यक्ष पदी निवड
2017 साली सोलापूर जि.प.सदस्य म्हणून निवडून आले.
17 जावे 2024 रोजी “मुख्य प्रवक्ता” म्हणून निवड
