सोलापूर : फेब्रुवारी महिन्यात काँग्रेस पक्षात प्रवेश करून शहर सरचिटणीस पद मिळालेल्या संगिता जोगधनकर यांनी तीन महिन्यातच काँग्रेस पक्षाला सोडून ज्येष्ठ नेते सुधीर खरटमल यांच्या नेतृत्वाखाली राष्ट्रवादी काँग्रेस पक्षात जाहीर प्रवेश केला. शहराध्यक्ष भारत जाधव यांच्या हस्ते राष्ट्रवादीचे उपरणे घालून पुष्पगुच्छ देऊन त्यांचे पक्षात स्वागत करण्यात आले.
याप्रसंगी जोगधनकर यांनी आपल्या मनोगतात,महिलांना पन्नास टक्के आरक्षण देऊन सामाजिक प्रवाहात आणलेल्या खा.शरद पवार यांच्या विचारानुसार राष्ट्रवादीचे धोरण समाजात बिंबविण्यासाठी काम करण्याची ग्वाही दिली.
या कार्यक्रमास प्रदेश राष्ट्रवादीच्या सचिव नलिनी चंदेले,ज्येष्ठ पत्रकार हेमंत चौधरी,राष्ट्रवादीचे जिल्हा खजिनदार व प्रवक्ते डाॅ.बसवराज बगले,दक्षिण विधानसभेच्या महिला राष्ट्रवादीच्या अध्यक्षा प्रियंवदा पवार माजी नगरसेवक एन के क्षीरसागर,बसवराज कोळी यांची प्रमुख उपस्थिती होती.
अभिजित भंडारे यांनी सूत्रसंचालन केले तर प्रा.दिपक नारायणकर यांनी आभार मानले.कार्यक्रमास शक्ती कटकधोंड,माजी नगरसेविका नंदाताई कांगरे,निलेश व्हटकर प्रविण वाडे,गोविंद कांबळे,जावेद शिकलगार,अन्वर बागवान,संतोष धोत्रे,चक्रपाणी गज्जम द्वारका आदी प्रमुख कार्यवाहक उपस्थित होते.
