जिल्हा परिषद पतसंस्था क्रमांक एक च्या वतीने भारतीय संस्कृतीतील सर्व धर्मीय साजरा करावयाचे सणाला आर्थिक बळातून उत्सवात परिवर्तन करण्याचे काम पतसंस्था क्रमांक एक सातत्याने करून सर्वधर्म समभावाची भावना वृदिंगत करीत आहे असे प्रतिपादन सीईओ दिलीप स्वामी यांनी केले.
पतसंस्थेच्यावतीने सभासदांना रमजान ईद, भिम जयंती ,अक्षय तृतीया, बसव जयंतीच्या निमित्ताने अग्रीम बचत ठेव वितरण मान्यवरांच्या हस्ते केले. सालाबाद प्रमाणे दरवर्षी रमजान ईद उत्साहात साजरा करावे या अनुषंगाने पतसंस्थेच्या वतीने बचत ठेव वाटप करण्यात येत होते .या वर्षापासून भारतरत्न डॉ. बाबासाहेब आंबेडकर जयंतीच्या निमित्ताने व त्याचप्रमाणे बसव जयंती, अक्षय तृतीया हे सण उत्साहात साजरा करण्याच्या दृष्टिकोनातून बचत ठेव अग्रीम वितरण करण्यात आले .याप्रसंगी अतिरिक्त मुख्य कार्यकारी अधिकारी संदीप कोहिनकर, मुख्य लेखा व वित्त अधिकारी अजयसिंह पवार, उपमुख्य कार्यकारी अधिकारी प्रशासन इशादीन शेळकांदे, कार्यकारी अभियंता पंडित भोसले, गट विकास अधिकारी बाळासाहेब वाघ ,डॉ. जस्मिन शेख, प्रशांत काळे, आनंदकुमार मिरगणे, शिवाजी पाटील, रंजना कांबळे ,उपअभियंता मुनाफ अडते आदी उपस्थित होते.
याप्रसंगी प्रतिनिधिक स्वरूपात 11 लाखाचे वितरण तजमुल मुतवली , सत्तार शेख, रशीद शेख, जहीर शेख, इरफान कारंजे यांना तर भीम जयंती निमित्त शरद सर्वदे, गिरीश वाघमारे, श्रीमती रंजना रांजणे, आप्पासाहेब गायकवाड यांना प्रतिनिधीक स्वरूपात मान्यवरांच्या हस्ते वाटप करण्यात आले.
याप्रसंगी प्रास्ताविक चेअरमन विवेक लिंगराज, सूत्रसंचालन डॉ. एस. पी. माने तर आभार प्रदर्शन व्हाईस चेअरमन सुहास चेळेकर यांनी केले. याप्रसंगी ज्येष्ठ संचालक श्रीशैल देशमुख ,दीपक घाडगे, दत्तात्रय घोडके, अनिल जगताप ,शेखर जाधव, शहाजान तांबोळी ,विष्णू पाटील, धन्यकुमार राठोड ,हरिबा सपताळे, सुंदरराव नागटिळक सुखदेव भिंगे , त्रिमूर्ती राऊत, मृणालिनी शिंदे ,सुनंदा यादगिरी, दत्तात्रय देशपांडे राजीव गाडेकर संतोष गोरे, आदी उपस्थित होते. कार्यक्रम यशस्वीतेसाठी सुभाष काळे ,अशोक पवार, विनोद कदम, जगदेवी अंजनालकर, आदींनी परिश्रम घेतले.
