सोलापूर : नाशिक वरून सोलापूरला येणाऱ्या ट्रॅव्हल्सचे पुढील टायर फुटून ट्रॅव्हल पलटी झाली या अपघातात 11 जण जखमी झाले आहेत. त्यामध्ये लोकांची प्रकृती गंभीर असून त्या जखमींना सिव्हील हॉस्पिटलमध्ये उपचारासाठी पाठवण्यात आले आहे.
कल्पना सुभाष जैन, दर्शना जैन, प्रफुल चव्हाण, जय पटेल, सुनील हगलुरे अशी जखमींची नावे समोर आली आहेत. सोमवारी सकाळी सात साडे सातच्या दरम्यान सोलापूर पुणे महामार्गावरील मोहोळ जवळ यावली फाट्याला हा अपघात झाला.
नाशिक ते सोलापूर राजयोग ट्रॅव्हल्स एम एच 15 FV 5000 या ट्रॅव्हलमध्ये ३० प्रवासी होते. त्यापैकी ११ जण जखमी झाले. अपघातात अपघाताची माहिती मिळतात 108 क्रमांक ॲम्बुलन्सच्या व्यवस्थापकांनी तीन ॲम्बुलन्स घटनास्थळी पाठवल्या. १०८ क्रमांक ॲम्बुलन्स डॉक्टर आणि पायलट यांनी जखमींना तातडीने बाहेर काढत त्यांच्यावर प्राथमिक उपचार करून पुढील उपचारासाठी सोलापूरच्या सिव्हिल हॉस्पिटल कडे पाठवले आहे. या 11 जखमींपैकी दोघांची प्रकृती गंभीर असल्याची माहिती समोर आली आहे.
