सोलापूर : पासपोर्ट व्हेरीफीकेशन साठी १५०० रुपये लाच मागणाऱ्या पोलीस हवालदारासह टुर्स अॅन्ड ट्रॅव्हल्स चालकास लाच लुचपतप्रतिबंधक विभागाने अटक केली.
रविंद्र गणपत शिंदे, वय ५७ वर्षे व्यवसाय नोकरी पद सहायक पोलीस उपनिरीक्षक, जेलरोड पोलीस ठाणे सोलापूर शहर व २. सलाहुद्दीन लायक अली मुल्ला, वय ४६ वर्षे, व्यवसाय टुर्स अॅन्ड ट्रॅव्हल्स चालक या दोघांना ताब्यात घेतले आहे.
तक्रारदार यांनी पासपोर्ट मिळणेकामी ऑनलाईन अर्ज केला असून सदरचा अर्ज व्हेरीफिकेशन व पत्ता पडताळणी कामी जेलरोड पोलीस ठाणे सोलापूर शहर येथे पडताळणी होऊन पुढील कार्यवाही होणेकामी प्राप्त झाला होता.
सदर प्रकरणामध्ये तक्रारदार हे पासपोर्टचे अनुषंगाने पाठपुरावा करीत असतांना यातील लोकसेवक सपोफौ शिंदे यांना भेटले असता त्यांनी तक्रारदार यांना पासपोर्टचे अनुषंगाने पत्त्याबाबतची पडताळणी करुन पुढील कार्यवाही करणेकामी १५०० रुपये लाचेची मागणी केली व सदर लाच रक्कम यातील आरोपी क्र. ०२ खाजगी इसम मुल्ला यांचे मोबाईल क्रमांकाचे फोन पे खात्यावर पाठविण्याबाबत सांगितले व यातील आरोपी क्र.०२ मुल्ला यांनी त्यास संमती दिलेचे पडताळणीत निष्पन्न झाल्याने यातील आरोपी यांना ताब्यात घेण्यात आले असून सविस्तर लाच मागणीचा गुन्हा दाखल करण्यात येत आहे.
ही कारवाई उमाकांत महाडीक, पोलीस निरीक्षक, लाप्रवि, सोलापूर पोलीस अंमलदार- घुगे, घाडगे, जानराव, किणगी, सोनवणे, सण्णके, पकाले, सुरवसे, यांनी केली.
