सोलापूर : माजी आमदार दिलीप माने यांनी आपल्या समर्थक कार्यकर्त्यांसह शासकीय वैद्यकीय महाविद्यालयाचे अधिष्ठाता डॉक्टर सुधीर देशमुख यांची भेट घेऊन त्यांना निवेदन दिले.
संभाजी नगर, नांदेड या शासकिय रुग्णालयात घडलेल्या या घटनेमुळे रुग्ण व नातेवाईक हवालदिल झाले आहेत. यापुढे भविष्यात अशा घटना कोणत्याही रुग्णालयात घडू नयेत यासाठी प्रशासकीय यंत्रणेने संतर्क राहणे आवश्यक आहे. रुग्णालयातील स्वच्छता, वैद्यकिय तपासणी, मशिनरी (सिटी स्कॅन, एम.आर.आय., बेरा मशिन आदि यंत्रसामुग्री) डॉक्टर व स्टाफ त्याच बरोबर रुग्णासाठी आवश्यक असलेला औषधाचा साठा उपलब्ध ठेवणे गरजेचे आहे.
तरी सिव्हील हॉस्पीटलमध्ये येणाया प्रत्येक रुग्णास त्यांचे आजाराप्रमाणे उपचार होण्यासाठी वैद्यकिय सुविधा, डॉक्टर, औषधे यांची उपलब्धता तसेच स्वच्छतेसाठी आवश्यक स्टाफ व्यवस्था करावी. जेणेकरुन उपचार, यंत्रसामुग्री, औषधाअभावी व सुट्टी दिवशीही कोणत्याही रुग्णाची गैरसोय होवु नये याची प्रशासनाने दक्षता घेण्याची विनंती केली. यावेळी सोलापुरात रुग्णांना चांगल्या आरोग्य सुविधा मिळत असल्याचे समजल्या नंतर दिलीप माने यांनी अधिष्ठाता देशमुख आणि त्यांच्या यंत्रणेचे अभिनंदन केले तेव्हा अधिष्ठाता देशमुख यांनी हात जोडून धन्यवाद मानले.
यावेळी सोमनाथ गायकवाड, जयकुमार जगताप, रवींद्र शिंदे, बालाजी एलगुंडे, उमेश भगत, बाळासाहेब सुरवसे, सुनील जाधव, अजित पाटील, अजय सोनटक्के, तात्या कदम, किरण बंडगर, ओंकार केंगार, भैय्या पाटील, शहाजी भोसले, सागर तांबे, महेश घाडगे, महेंद्र खटके, अनिल हिबारे, प्रदीप सुरवसे, श्रीकांत मेलगे, विकास कदम, राजू पाटील, निखिल देशपांडे, उद्धव बंडगर, गणेश बचुटे यांच्यासह इतर मान्यवर मोठ्या संख्येने उपस्थित होते.
