सोलापूर | पद नाही म्हणून नाराज न होता युवकांनी जोमानी कार्य करावे भारतीय जनता पक्षात काम करणाऱ्या प्रत्येकाला संधी मिळत असते असे प्रतिपादन माजी सहकारमंत्री आमदार सुभाष देशमुख यांनी केले.
संपर्क कार्यालय विकास नगर सोलापूर येथे दक्षिण सोलापूर भाजपा युवा मोर्चा नवनियुक्त पदाधिकार्यांना नियुक्तीपत्र वाटप करण्यात आले याप्रसंगी आमदार सुभाष देशमुख बोलत होते. यावेळी तालुकाध्यक्ष रामाप्पा चिवडाशेट्टी, जि. प पक्षनेते अण्णाराव बाराचारे, युवा मोर्चा तालुकाध्यक्ष संदीप टेळे,हणमंत कुलकर्णी, मळसिद्ध मुगळे, अंबिका पाटील,अनु जाती तालुकाध्यक्ष बलवान गोतसुर्वे, सिद्धाराम हेले, पंडित कोरे, जगन्नाथ गायकवाड, अप्पासाहेब मोटे, गौरीशंकर मेंडगुडले,धिरज छपेकर,अतुल गायकवाड,लक्ष्मण हक्के,दिपाली व्हनमाने आदी पदाधिकारी कार्यकर्ते उपस्थित होते.
पुढे बोलताना आ. देशमुख म्हणाले कि भारतीय जनता पार्टी ही कार्यकर्त्याची पार्टी आहे येथे सामान्यांना संधी दिली जाते त्यामुळे प्रत्येकानी जोमानी काम करावे.युवा मोर्चा चे कार्यकर्ते हे तालुक्याचे भविष्य आहेत,कार्यकर्त्यांनी आणखी झोकून देऊन कार्य केल्यास तालुक्याचे भविष्य आणखी उज्वल होईल यात शंका नाही.त्याचप्रमाणे सोसायटी माध्यमातून मोठया प्रमाणावर भ्रष्टाचार केला जात आहे यात शेतकऱ्याचे भले मोठे नुकसान होत असून या साठी चळवळ उभी करून प्रस्थापितांना बाजूला केले पाहिजे.शेतकरी व जनतेची प्रश्न मार्गी लागायचे असल्यास सोसायटी सह स्थानिकस्थरावर सत्ता केंद्रे ताब्यात हवीत यासाठी तरुणांनी संघर्ष करायला हवे असल्याचे मत आ. देशमुख यांनी व्यक्त केले.
सर्वप्रथम थोर समाजसेविका सिंधूताई सपकाळ यांना आदरांजली अर्पण करण्यात आली.
प्रास्ताविकात ज्येष्ठ नेते हणमंत कुलकर्णी यांनी येणाऱ्या प्रत्येक निवडणुकीत भारतीय जनता पार्टीचा झेंडा फकडकावून तालुका भाजपमय करण्याची जबाबदारी आता युवा मोर्चाची असल्याचे सांगितले.
यावेळी सिद्धाराम हेले, मळसिद्ध मुगळे, अंबिका पाटील, पंडित कोरे यांच्याबरोबरच युवा मोर्चाच्या नवनियुक्त काही पदाधिकाऱ्यांचेही भाषणे झाली. आमदार सुभाष देशमुख, तालुकाध्यक्ष रामाप्पा चिवडाशेट्टी व युवामोर्चा तालुकाध्यक्ष संदीप टेळे यांच्या हस्ते नवनियुक्त पदाधिकाऱ्यांना नियुक्ती पत्र देण्यात आले. सूत्रसंचालन व आभार सरचिटणीस अप्पासाहेब मोटे यांनी केले यावेळी पदाधिकारी व कार्यकर्ते मोठया संख्येनी उपस्थित होते.
