सोलापूर : देशाचे माजी केंद्रीय गृहमंत्री, काँग्रेसचे ज्येष्ठ नेते सुशीलकुमार शिंदे यांच्या बाबत मागील काही दिवसांपासून सोलापूरच्या राजकीय वर्तुळात वेगळी चर्चा सुरू होती. मागील महिन्यापासून त्यांनी प्रथमच आपली दाढी वाढवली होती. राजकीय नेत्यांच्या दाढीची सर्वत्र चर्चा होते, त्यामध्ये देशाचे पंतप्रधान नरेंद्र मोदी, राज्याचे मुख्यमंत्री एकनाथ शिंदे, नुकताच भारत जोडो यात्रा यशस्वी केलेले काँग्रेसचे नेते राहुल गांधी यांच्या ही दाढीची चर्चा ऐकण्यास मिळाली.
यानंतर आता सुशीलकुमार शिंदे यांच्या दाढीची चर्चा शासकीय वर्तुळात होऊ लागली. माध्यमांमधूनही तशा बातम्या आल्या. त्यातच आपण आगामी लोकसभा निवडणूक लढवणार नाही अशी प्रतिक्रिया दिल्याने तर माध्यमाने थकलेले सुशीलकुमार शिंदे असा उल्लेख केल्याचे पाहायला मिळाले. ग्रामदैवत श्री सिद्धेश्वर यात्रेच्या अक्षता सोहळ्याला त्यांनी उपस्थिती लावली. त्यावेळी ही त्यांच्या चेहऱ्यावर दाढी होती. एकूणच सुशीलकुमार शिंदे यांच्या चेहऱ्याकडे पाहिले असता ते आता आपली दाढी वाढवणार असे चित्र जाणू लागले. सुशीलकुमार शिंदे हे हसमुख व दिलखुलास व्यक्तिमत्व त्यामुळे त्यांच्या चेहऱ्यावर दाढी चांगली दिसत नाही अशा ही प्रतिक्रिया ऐकण्यास मिळाल्या होत्या.
सोमवारी शहराध्यक्ष चेतन नरोटे माजी युवक अध्यक्ष अंबादास करगुळे यांच्यासह युवक पदाधिकाऱ्यांनी सुशीलकुमार शिंदे यांची त्यांच्या निवासस्थानी भेट घेतली त्यावेळी साहेबांच्या चेहऱ्यावर दाढी दिसत नव्हती. यावेळी करगुळे यांनी पत्र देऊन 2024 सालची लोकसभा निवडणूक साहेब तुम्हीच लढवा अशी विनंती करण्यात आली आहे.
यावेळी शहर मध्यचे युवक कॉंग्रेस अध्यक्ष वाहिद बिजापुरे, माजी अध्यक्ष दक्षिण विधानसभा अध्यक्ष सैफन शेख, काँग्रेस युवक काँग्रेस माजी कार्याध्यक्ष युवराज जाधव, दक्षिण विधानसभा युवा नेते शिव कलशेट्टी, शहर मध्य युवक काँग्रेस माजी अध्यक्ष योगेश मार्गम, शहर उत्तर युवक काँग्रेसचे माजी अध्यक्ष विवेक कन्ना, शहर उत्तर युवक काँग्रेस उपाध्यक्ष शरद गुमटे, माजी शहर मध्य विधान सभा अध्यक्ष अर्जुन साळवे, शहर दक्षिणचे सेक्रटरी सचिन वेर्णेकर, सुभाष वाघमारे, शहर उपाध्यक्ष धीरज खंदारे, शुभम एकलदेवी, समीर काझी, नरेंद्र येलूर, नागेश म्यकल, अंजन जंगम, शब्बीर पुलमामडी, मनोहर मार्चला, युवा नेते लक्ष्मण पंडोरे, सिद्राम म्हेत्रे, शाम केगारे, रवि जंगम, पिंटु सगळे आदी उपस्थित होते.
