स्टार्ट अप आणि गुंतवणूकीच्या क्षेत्रात देशात महाराष्ट्र पहिल्या क्रमांकावर असल्याचे सिद्ध झाल्याने राज्याचे उपमुख्यमंत्री देवेंद्र फडणवीस यांनी आपल्या ट्विटर अकाउंट वर हे ट्विट करत महाराष्ट्रीयन जनतेचे अभिनंदन केले आहे.
६६ टक्क्यांपेक्षा जास्त स्टार्ट अप आणि गुंतवणूक एकट्या महाराष्ट्रात असून भरीव निधीची तरतुद आणि धोरणात्मक गुंतवणूकीमुळे स्टार्ट अप क्षेत्रात महाराष्ट्राचा पहिला नंबर आला आहे. महाराष्ट्राला स्टार्ट अप मिशनमध्ये पुढे नेणार्या तरूण उद्योजकांचे अभिनंदन फडणवीस यांनी केले आहे.
महाराष्ट्रातील उद्योगधंदे परराज्यात गेल्याच्या आरोपावरून जोरदार राजकारण झाले होते, मात्र याला थेट कृतीतून उत्तर देत गुजरातसकट देशातील सर्व राज्यांना मागे टाकत महाराष्ट्र पहिल्या क्रमांकावर कायम राहिला आहे.
